星期六, 6月 23, 2007

好老細 (1)

黑人打工經驗咁短,都相當好彩地遇到三個好老細。

其實唔多野寫(因為共事的時間太短),只不過講完19老細,講返幾個好的平衡下。

最佩服那位,是做event production 的老細R。其實三人當中,佢對黑人最惡,甚至待遇係最差的(包括金錢、工作範疇及其他)。不過真係從佢身上學左好多畢生受用的東西。

黑人未做過event production,零經驗,能夠入行主要因熟人介紹。百份百新人又不是特別醒目,自然不停撞板。

老細R跟上環A公司19老細最大的分別,就是老細R相當務實爽快。沒有效果的脾氣,不會亂發。也沒有隔夜仇。

例如黑人撞左板,大家係槍口向外,一齊做好件事先。即使production dept 同事間有不和,都係先攘外而後安內。

換作係19老細,就會先屌後問。佢一旦對事件不理解就會發脾氣,偏偏佢理解的東西又唔多。

若果不是freehand 或photoshop解決到的問題,會再鬧,然後叫閣下自理。

隔左一段隨機的時間,又會重覆屌 -- 問 -- freehand solution (y/n) -- 屌 -- loop,無論黑人白人甚至佢自己的親細佬,都劃一處理。

佢試過跟supplier不和,係會同supplier 互相鬥氣,鬥到個project企左響度,個客唔知點算,最尾要打來搵小弟求救 (當時黑人已離開公司近一個月),所以CK講EQ低的watch dog腦細會咬死晒所有人,千真萬確之至。

幫19老細做事,經常會覺得只要炒左個老細,公司就能夠順利運作。

講返老細R,佢另一個優點就係深黯駛人唔駛本的功夫。

無論係design team, production team 甚至下家的supplier,幾乎全部都俾佢老點過、卒過、榨乾過、壓過價etc,但老細R又能夠令大家對佢的「惡感度」盈口而止,大家一面吊晒鬼,一面死死地氣幫佢做埋d野,project 完左,又可以嘻嘻哈哈,雖然不是黑人心中最ideal的管理模式,但運作良好,省了不少錢,賺了更多錢。

第三個優點,三個老細多少都近似。就是presentation / sales skills,即使管理上一無可取的19老細,在呢方面都有一定能力。

event production 不外乎台、燈、聲,但係從"experience", "sensation", "niche advertising" 去包裝成件事,層次高左好多。

老細R (至少有一部份) 確信event marketing 會係廣告未來的出路,黑人多少都被佢感染左。信一件事去sell,效果真係完全不同。

當然,老細R對operation 真係好熟,sound panel、場地取電、燈光、印刷、costume 甚至自己落手擔擔抬抬都好掂。真係文官武將都服左佢。

希望佢公司業務蒸蒸日上,多點保重身體。

題外話:曾經有位前輩將呢樣野講到好玄:每間廣告公司都有一套present 的秘笈,未做到咁高級,係唔會識的,去到適當層級,又已不需學。不同agency編寫的presentation ,正正是配合其獨門心法,即使外人偷到個powerpoint 都唔會學到乜野。

講到咁神妙,若果有人做ad agency 請告知是否真有其事,謝謝!

5 則留言:

匿名 說...

咦,咁我想問,你知唔知呢住老細R响後生時係個點既人。

我時常會留意身邊既同學/朋友,因為大部份都係二十至廿五,响度估究竟一個乜野既人日後會變成一個好成功既老細。

究竟係一個精甩尾既人,定係,一個搭搭實實既人。

黑人 說...

真係唔知老細R後生時係點樣

我會覺得咁多年來佢本質無乜點變,都係狡滑生意人 + 大笑姑婆嘻嘻哈哈暢遊大世界

你另一個point,黑人耐唔耐都會擔心,到底自己五年至十年後,事業會發展成點。

因為中學精英班的同學,十居其九宜家已經發左。最唔掂檔果班,一樣浮浮沉沉

塞米一條揚陸轟炸機 說...

"因為中學精英班的同學,十居其九宜家已經發左。最唔掂檔果班,一樣浮浮沉沉"

(已經笑到彎腰...)

咦?咁浮沉左五年之後轉左校班上成績即時排頭位既又點計先XD

不過剛開丫,我呢邊有個箱講同學,因為掛住搞club,堂又唔上,功課又要託手於人,又要世界仔,又要行蠱惑,於是錢就賺到發啦,品就俾人唱到飛起...我都好懷疑,究竟呢個世界係咪真係世界仔既世界呢......

黑人 說...

做到世界仔也是一種實力,唔係個個做到
賺錢能力跟人格、辦事能力、學歷等並無必然因果關係,點解我老豆唔係李嘉誠... (笑)

就算塞米係實力派的,都要識返多少偶像派的技倆囉,否則無人buy 你d 作品就唔好啦

匿名 說...

收下口啦on9騏!