星期四, 7月 12, 2007

請求

其實今日有野趕,根本就唔想寫blog
不過既然小弟個blog 發生接連粗口炸板事件,仲影響到多位黎呢度留言的朋友
小弟先同受影響的人講聲對吾住先!連累到你地!

先澄清一下,黑人近年無「搞甚麼事」,亦已經好耐無在forum 上同人發生口角
即使業務上有磨擦,頂多各行各路,河水不犯井水,呢類case 都少到數得出

近幾個月來,周不時都會有一位匿名人上來post d 粗口entry
通常黑人都係刪左佢就算

講真,要數月如一,咁堅持地上來post 粗口
除非精神有問題,否則就需要跟黑人有相當大的仇口先至得

自問雖然不是心細如髮,但為人尚算謹慎,有幾多個朋友、仇家
向來心中有數 (因為二者都少)
而且呢位仁兄無意中透露左佢響邊度認識黑人
令個suspect pool 縮到得返兩人,一個是黑人的朋友
稍為追溯一下d歷史,拉返d線,最終指晒去一個人度

我勸閣下真係好停手喇
玩呢d唱衰遊戲,永遠唔會有贏家
when things get uglier,大家只會一齊輸
我咁講唔係一個threat,你當係reasoning又好,pleading都好

請你讓我在我呢個小小的世界混日子
大家各行各路,就當彼此不認識
為免惹人誤會,我亦不會增減過往的entry

2 則留言:

郭嘉 說...

日落先生:

化嗔怒為寬容;化疑心為信心。

不要因為對方的挑釁、讓嗔怒及疑心有機可乘,而使我們也淪為負面能量的一部份,蠶食整個世界。

懷疑人,萬一被懷疑的並沒有做過,那就是冤枉,是對別人的一種莫名傷害,也傷掉大家的信任和感情;即使真是對方,單靠指責、又可會使他的惡念和不忿靜止?

對方一而再三的這樣做,可能是被仇恨和不滿所支配,他自以為得意,內心一點都不快樂。就好像吸毒上癮的人一樣,其實他只是個可憐的被奴役者。明白到這一點,就不會氣他或恨他了,他是什麼人也不再重要。

下次他再來留惡言,先不要刪,讓郭某開解他。化解仇恨的心結才是根治之本。

TK 說...

>郭嘉

謝謝你的開解
一直以來都無因為呢d 留言動怒,只係為免影響其他看倌的情緒,每次均刪掉,眼不見為乾淨

今日所以寫篇咁樣的文,因為今日此君炸板實在太過份,在黑人板炸二十幾次不特止,還傷及無辜

我只係求佢收手,最低限度要唱衰黑人,都留響呢度唱。無謂影響到d 無關係的人吧!或者咁講,四圍貼粗口post,搞到大家紛紛同情黑人只會達到反效果

郭嘉兄也不用利益申報。ip 落入別有居心的人手中也不是太好,恕黑人代刪了

至於此人身份則無謂再講,黑人心知,對方肚明,大家各退一步已經謝天謝地