星期三, 7月 18, 2007

improvement


創意前輩講過 (忘了是ogilvy 還是paul rand),若果一份design 你無法做得比上家好,就不要接。

小弟現在就面對這種困境。

上一手的design其實並不算差,至少沒有明顯的缺陷。而客人亦沒有明顯的不滿
接到這單job,純粹因為個客有其他理由轉supplier,而我碰巧是supplier 用開的designer 而已

開會後的感覺是這個客很難服侍
個客見慣風浪,慣左走精面、凶人、敷衍人等等,甫坐低對方已經在衡量誰吃誰 (像黑人這類小角色,她是衡量怎樣吃)

開會傾左兩個幾三個鐘,主要是聽對方曬命,包括佢的身世、發跡史、about us、contact us etc
至於點樣design,查實真係無乜頭緒

若果唔係朋友開到口,呢個客我甚至可能一開始已經唔會approach

應承左,又係要頂硬上。不過做左少少預警功夫,劃定止蝕位,講明改幾多次之後就唔改
good fences make good neighbors

暫時大家都要互相依賴,要在「抵得諗」同「醫肚」之間取個平衡位,又談何容易。

原本想睡一覺明早再戰,諗諗下,以往經驗係睡一覺後果day 被人追到瘦,壓力下係做唔出好東西的

甚至連貨都交唔到,所以通一晚比較穩陣

身體實在對不起了...明天會好好休息

9 則留言:

塞米一條揚陸轟炸機 說...

死啦,俾我就唔會諗邊個食邊個,做左佢先算喇...

黑人請保重......唔好搞到日後返黎香港無得相見......XD

Chris 說...

>個客見慣風浪,慣左走精面、凶人、敷衍人等等,甫坐低對方已經在衡量誰吃誰。

我諗喺工作上,最無謂嘅都莫過於呢d政治嘢,
浪費了時間和心力,最重要喺同工作無關。
黑人你保重喇,哈哈!希望你吾好俾人食到連骨都無得淨啦。

凱恩 說...

chris>> 其實未必係同工作完全無關, 為左展示係由邊個主導,當然就會黎呢一套。 對客黎講get the job done係最重要,所以自己能掌控多d自然係好事。

黑人保重+1, 你星期五仲要捱夜架~ XD"

塞米一條揚陸轟炸機 說...



凱恩是哪裡學來"+1"的...該不會...

Chris 說...

凱恩> i see,thx!

塞米> "+1"係吾係「貼圖區」語言...?

塞米一條揚陸轟炸機 說...

chris 看來經常去貼圖區看文阿XD

不過我不是在forum學來的~

TK 說...

多謝咁多位支持...

總算挨過最忙果浸,宜家係執手尾時間啦

塞米一條揚陸轟炸機 說...

tk:個腦仲有無位呀,有既話去我個竇度做下brainstorm丫XD

TK 說...

哈!位就大把,不過無乜電嗟!
上去睇睇先...