星期二, 7月 24, 2007

書展



花了差不多成千銀,今次無乜點買design 書,書得起、page瘟都無晒有質素的日本graphics書,頂多都係放些炒雜碎潮童graphic books (我估呢d書最受歡迎)。反而Japan Art Director Annual, Applied Typography annual果類書就唔見晒。

再查返本directory,原來走漏眼,無去到競成以及Nippon International Publication Service 呢兩個攤位,以往最好的日本design書都是在這兩處買到。聽日有時間或者會作最後衝廁掃多一輪...荷包傷晒!

書展越來越保守,只怕HR Giger, 空山基呢類插畫大師以後無緣再登場,以前買空山基的裸女畫集真係靚到dum一聲,後來佢唔知痴左邊條筋,將舊作翻新變左SM版,果d女人著晒金屬及橡膠奇裝異服,又真係正常人未必諗得到既,而且...佢係用最傳統的air brush作畫,唔似我地宜家有photoshop,宜家乜7工具都齊,做唔出好東西是人的問題囉。

上書局all star 上陣,先後向蔡子強、道長以及劉細良索取簽名,仲有幾個我唔識的,而沈旭輝未到場,無緣見到號稱30會最靚仔的青年才俊,嘿嘿。聽返梁文道同劉細良把聲,幾懷念佢地以前做打書釘的日子,始終以當時最好聽。

去左全力圖書掃喬老大的著作,因為我同朋友w的荷包都重傷,所以決定大家各買一部份,w買了全套殺禪。本來仲有機會可以向喬靖夫取簽名的,但係要等多差唔多一個鐘,又已經周身行李,唯有作罷。

新買的blink似乎幾有趣,講解人類在一瞬間判斷事物的行為。可惜小弟blink錯左,買左本2000年的日本web design annual...DLLM丫...當時d野呢...十足frontpage整出來的業餘作品,若果唔係d photography救返件事,真係可以丟落垃圾筒,雖則係二手台灣野,$120 ,不過阻訂丫嘛...

6 則留言:

Rickson 說...

大豐收喎
我今年無去丫...
似乎就算有想買既書,
平時都買得到
所以作罷

塞米一條揚陸轟炸機 說...

傾向Business既Typographic Annual 通常都係去圖書館搵既居多,切雞書我覺得愈technical既書愈值得買,淨係教人整grid既書都有幾本幾innovative架。唔知箱講有無得賣就真...

Web Design...真係算吧啦,我淨係睇過本Personal Web Site係益身心架咋。

TK 說...

> rickson

我都係貪書展有折所以先買。
尤其係design 書,平日貴一貴仲要唔係間間有得賣。

前後陣亡了二千大洋...下期補返design 搜刮成績

> 塞米
小弟買design 書的出發點好卑劣架,主要都是尋找抄考對像。

不是搬字過紙式的抄考,係靠呢d 書來kick start。Web design 書通常真係唔抵買既,兩三年就outdate,睇web有咩比上網睇更好呢?

另外有個小tips,去Nippon International Publication Services 比起競成、書得起甚至page one 便宜。差價可以達30%以上。

見到幾本都心動既,可惜唔夠銀彈又唔夠手。一本係retro graphics,另一本係日本電影/戲劇poster大全,仲有70年代日本print ad,全部都好有參考價值

仲有本講graphs & charts,日本人做info graphics 真係有一手的,睇得過!

Chris 說...

我都好懷念道長同劉細良打書釘嘅日子呀,
果時真係好正,學到吾少野。亦因為覺得阿道長識好多野,於是乎就lung埋去聽光明頂。但家陣嘅打書釘真係爭好遠喇。

你本wed design annual二手都要$120都好貴吓𡃓。哈哈!有d “dun”你唔抵。另外,有冇咩好嘅graphic design書好介紹先?未必一定要係新出㗎。

Chris 說...

順手問多句,nigger你有冇用壓力筆?
有冇好介紹?

TK 說...

> Chris

無呀,壓力就有好多,壓力筆就冇
120 算抵喇,同一本書在競成賣250!仲要封埋口,真係戥果d設計羊牯可憐

設計書真係各花入各眼,過一兩日得閒再影埋再書展掃左d 乜design 書啦~