星期二, 5月 06, 2008

面冊男女

偶爾登入自己的面冊掃掃灰塵,塵不多,連孤魂野鬼都不來了。
其中一位「朋友」剛參加了另一個孤男寡女小組,以前在輸得甘見過太多這類孤男寡女支援團體,也就不安好心的走入去八卦八卦,原來只是有個人照片、功能較齊全的輸得甘罷!骨子裡還是同樣的東西。

第一個問題:入面的人是否甩皮甩骨呢?

扣除疑似PS合成或超級刻意配合鏡頭角度那些,大多數的外觀都是正常貨色,二十來歲,間或有年紀稍大或稍細的。觀乎某些男女的面相,在老蘭CWB,MK等殺戮戰場應該頗吃得開,咁都單身,如不是扮豬食老虎,就是個性上有點問題了 (ok, 黑人明白有些人工作上較難找到配偶,但性格跟職業互為因果,納入性格類處理)

第二個問題:到底搵唔搵到食?

千幾個會員,都唔知有幾多個熱心,搞活動名額通常以三五十為限,小惠未偏也。將之當成香港classified for singles倒還可以,如果閣下刊登的照片夠吸引 (85分俊男或70分美女),相信都有機會吸引到人send message 或者add as friend...卦?但係齋睇相都有六七十版,能夠眾裡尋他千百度,太多選擇,個個都係一張相加一個名,反而唔知點樣識「朋友」。

第三個問題:孤男寡女小組能否成功?

首先當然要介定「成功」的定義是甚麼,黑人覺得一個小組要成功,要有兩件事:幫人搵到食、唔好摺埋。幫人搵到食並不難,只要夠熱心參與每日討論,逢活動必到,打兩三次邊爐、出去BBQ、踩單車、chok墨魚,實會識到人,之後能否行得埋係另一回事。有活動攪,自然有人慕名而至,keep住有新貨源circulate。呢一點,輸得甘以前好多小組都做得到。

唔好摺埋就較難,呢類小組通常係一兩個人發起,存亡當然亦落在果一兩個人身上。當佢地升職加人工結婚生仔,或者升唔到職凍薪守長寡,自然就會無心機打理,如果有熱心人接捧做搞手固然好,但通常都會因為搞手潛水而煙消雲散。理論上一個組織要持久運作,必須有機制程序去培育及篩選接棒人,一時三刻寂寞難耐的孤男寡女會又點會有呢d野呢?

聽聞一個人的朋友圈上限約為50人,即係話一個搞手最多可以跟50人維持友誼,再多就開始疏離,疏離d會員就自然會流失,繼而變成小圈子新人免進。面冊孤男寡女團差不多有千二人,即係話至少要有24個group leader 先至可以維持較緊密的關係,點樣協調呢24個group leader 已經係一門管理學的課題。

所以,黑人對這個面冊小組不太樂觀咯。


***************

PS: 正片推介:加拿大溫情喪屍喜劇:喪屍人Fido。不會上映,得閒去VCD舖搵搵。

9 則留言:

塞米一條揚陸轟炸機 說...

莫說小組,就連面書我也略嫌浪費時間....好老實。


係架啦就算係單身想揾食都係咁話架喇。

Yun 說...

"輸得甘" <--- 乜唻架? (諗唔到呀。蠢丫!)

嗯﹐我性格上係好有問題囉。。。

> 聽聞一個人的朋友圈上限約為50人

50? 勁囉。

凱恩 說...

如果是指面冊上那個app,其運作模式和火柴得甘,阿虎有猿人差不多,就是看照片 -> yes or no? (其實唔知有乜用)

如果是指那個組群,老實說我不知是否你說我,因為我也被「友人」邀請加入了XD。面冊上的組群沒什麼功能、而且面冊主頁被web app淹沒了,群組很快就被遺忘…該孤男寡女小組第一次加入進入過看幾眼後就沒再去過了,會使我記得它的,是它那些近乎junk mail的event通告…

p.s. 我以前還不明不白地加入了世界乳癌基金會的群組,達三個月之久後才發現XD

黑人 說...

> 塞米

記憶中輸得甘既人活躍d,你想識下人可以去果度的relationship 版碰運氣。

> 雲妹子
輸得甘 = she.com
係呀,你成日驚前怕後,顧左盼右,都唔知你想點。
50人應該係一個人所有的朋友喇,照計netfriend keep唔到咁多人的

> 凱恩

係一個唔識既男仔不斷邀請我去d孤男寡女活動囉,古時候天真及傻時都會去既,見識左咁多次,知係咩回事,無謂浪費大家時間啦

你小心join左亞鈣達或者臟毒激進小組都唔知

C.M. 說...

>>觀乎某些男女的面相,在老蘭CWB,MK等殺戮戰場應該頗吃得開,咁都單身,如不是扮豬食老虎,就是個性上有點問題了

嘩,呢個觀察相當到肉!

黑人 說...

> cm

咁都睇到,真係要俾個服字俾你!

Yun 說...

黑人:
因為我係個女人--還係最麻煩個隻囉。

(常日睇你D譯音﹐諗到我頭爆。)

桃紅三點式 說...

「輸得甘」-->諗到我都甩,你咁樣好難吸引我同雲雲呢d姨姨級粉絲,你咁潮,我地有隔膜呀!

黑人 說...

> 三點, 雲

輸得甘唔潮,已經好耐...當你地仲係少女時代的事咯,當時仲有湯多金、康肛多金

宜家後者已經變左做一間(唔會有人用的)收費email 公司

講真,有d人就算寫電腦文都會有一班中女fans搖旗吶喊,唔關內容事,主要應該係封面 = =+