星期二, 5月 20, 2008

原來我曾經...

同方卓如傾過一晚計而不自知。
話說黑人有一次向家人提及最近買了「分拆方卓如」一書,家人問方卓如係乜水,聽完答曰:「哦!龔耀輝呀...你三叔以前同佢係同學黎架,一齊讀過會計,佢好鍾意講d炒乜炒物丫嘛,好耐咯!」

當時都不為意,以上對話隔左幾個星期後,黑人整理客戶名片簿,偶然見到龔生的舊卡片(當時佢在登龍街一間公司做經理),頂!原來係佢!

遠古時代黑人剛剛出來做freelancer,有些報稅會計事務不明,當時三叔由加拿大回港暫住,就「搵左一個舊朋友」為黑人指點迷津,在某starbucks 講左一晚,查實當年黑人傻下傻下,連公司戶口係乜都未知,就算動用如此猛料之人教路,都幫唔到幾多。

遇到猛人都不懂珍惜,又無keep contact,罪過!

******

多9餘地幻想...如果當年一直keep住contact
咁分拆方卓如本書,會唔會變成由小弟design 呢?
若果由小弟design,會唔會好過宜家呢本呢?

諗諗下,查實當年無繼續contact,可能對不少讀者都是一件好事

5 則留言:

嫁両 說...

"查實當年無繼續contact,可能對不少讀者都是一件好事","書呆子溝女又無運行,唯有認命"其實你D設計咁差,點解仲發夢呢?成曰係度扮矮仔都無用架。你有"能力"(只不過係你有軟件同硬件)做設計係一件事,有無天份做一個好設計師,你自己心知肚明,聽一個前輩講,如果做咗三至五年,都無一個獎或至少三件拎出黎唔面紅嘅作品,就無謂勉強留係呢行發展。

黑人 說...

> 嫁兩

謝意見。

米都話唔搞咯 說...

黑人:

承相肚內可撐船

下次有機會真係要會一會你至得

黑人 說...

>米搞

最緊要正字
丞相

你湊大米B女佢搵到好歸宿之後或者就可以抽到身架喇

米都話唔搞咯 說...

十八年好快過既啫