星期三, 5月 21, 2008

封面唔跟內容

黑人對娛樂新聞的認識永遠只限於七仔雜誌架的封面群
雜誌封面永遠都係「失控」「喪x」(x可以是任何一個動詞)、情變、婚變之類
好似入左娛樂圈就永遠無法維持心智正常

直至有一次,身邊有朋友真係識得一位女藝人
黑人見過佢同埋佢的鬼仔男友一兩次
早排有一次娛記作故仔,話個女藝人戴孝期間,拿左二十幾萬俾鬼仔買名牌花里花碌
鬼仔男友睇到個故事之後好開心(有人譯俾佢聽),仲keep左份news clipping 落facebook

因為...





















佢係半個深玔通,經常十分自豪地同朋友講,果日佢周身名牌,全部都係A貨!A貨俾娛記估值變成二十幾萬,點會唔開心?天下間零公信力都依然可以運作無憂的行業,娛記肯定是其一吧?

PS: 最近鬼仔又俾人影到去溝鬼妹,更加唔係果回事。個鬼妹黑人都算熟,大家真係成日約出來飲飲食食的普通朋友,算吧啦!

PS2: 朋友A 同Y都驚同鬼仔出入會俾娛記影埋,變成3P新聞的其中一個主角,到時咪話唔大鑊!

4 則留言:

說...

哎,乜你識欣宜?

黑人 說...

見過兩次,係熟佢身邊的鬼仔朋友

查實都係傾得投契矣,佢地成日蒲老蘭
成晚無野搞拿住杯酒企樓梯吹水都好開心
雖然都吹得上兩嘴,但自問唔識享受
而且覺得好浪費$$ @_@

Fung 說...

睇完在公司笑左,老實講娛樂雜誌真係和笑話書無分別!分別是笑話書可以一兩個人可以完成,而娛樂雜誌最小要十個人以上才完成,分分鐘給人炳!

黑人 說...

嘩,多謝

舊post都仲有人追 ~ 真係多謝支持!!!