星期一, 5月 19, 2008

周日打書釘

刨書速度有點過快,存貨只餘下tipping point 和Bill Bryson 那本英國小品Notes from a small island。現正在煲Troy第二部曲,鏡頭一轉,主角由羅馬開國君Helikaon變成講故佬Odysseus,Odysseus有點像大家身邊搞氣氛哈哈笑的開心果大叔,面懞心精,有需要時可以變得十分勢利冷血,有時卻會正義上身做蝕本事。

Odysseus年輕時是個燒搶擄掠的奴隸販子,別名Sacker of cities,中年卻變成一個「四海之內皆朋友」的中立商人,可是世局如棋,米基尼皇積極拉攏各國部署侵略特洛伊城,要完全不得失任何一方,恐怕越來越難。

刨了兩晚k掉百多頁,追連續劇最怕要等,連忙到星加坡連鎖書店集團找Troy 的第三部曲,不果,卻買了Edward de Bono 的Lateral Thinking,朋友稱之為十大life changing 著作之一,姑且一看。

另外想買些投資相關的書,上年已讀過股聖Peter Lynch 的one up on wallstreet,不過是二十幾年前的舊版,很多資料已過時。本來想另添一本惡補理財常識,但頗貴,而且美國的股市暫時不太看得懂。

留意到一本叫「愛投資。愛自己,你的第一本股市筆記」,譚美利著。看封面和排版,擺明寫給沒有投資常識的OL看的,黑人自問理財常識不及格,也不怕放下面子將子買了一本,初步印象頗佳,由股市操作以至一些基礎投資原理都有,精簡淺白而且貼近07年香港股市。作者偶爾幾句討好OL有點煩,但整體上還是適合新手一讀的。

另外心急買了一本「巴菲物給青年9個忠告」郭硯靈著,呻笨。

本來還以為是巴菲特著作的中譯本,原來是這位郭先生借巴菲特發表自己的投資偉論,scan了幾句見到甚麼中國佛家名言、儒家哲理之類,火都黎埋。年輕人理財的第一步,就是先把購買這本書的七十塊錢,用在其他更有意義的地方上,例如賬災。

另外有一本講Steve Jobs的書,還有在網上見到一本叫Perfect Pitch: The art of selling ideas and winning new business,Jon Steel著,之前大家講pitching 講到火紅火綠,不如看看鬼佬點處理?

想看的書太多,錢和時間太少,無計。而且讀得書多也不代表個人叻左,見得太多讀書少但十分成功的叻仔,知識改變命運,古人誠不我欺,知得越多,懂得越少,命運變得越霉,書呆子溝女又無運行,唯有認命。

4 則留言:

Cherrie 說...

我好怕看投資書呢, 我一點concept都沒有, 看到一大版中文字, 隻隻字都識但完全唔知佢講乜...味同嚼蠟...

黑人 說...

> cherrie
呢本OL投資筆記寫得唔錯,有d似整理過的yahoo 知識,而且作者隔走左d難啃的硬資料
值得睇架 ~

米都話唔搞咯 說...

Tipping point 咁薄,我諗你兩晚就會睇完...都算係一本好書,不過啲內容己經俾人講到爛,就好似本四代香港人咁,基本上唔駛買都知佢講咩

如果你想睇management 既書,我會推薦朱利阿尼本leadership,我覺得呢本係其中一本令我開hiu既書

黑人 說...

> 米搞

兩晚又唔得,通常拆開一星期左右啦,真係坐定定的話兩日都ok既

好,我又走去睇下朱利阿尼本大作先,謝謝 ~