星期四, 2月 12, 2009

劫後餘生

1. 馬拉松,信錯地鐵,以為半粒鐘一定去到天后,結果4點35出門口,搞到5:20 先去到現場,最後被逼跟第二組既人一齊跑,大會無record。唉...第一次跑馬拉松就搞成咁,早知飛的好過。

2. 終點有個鐘,衝線時寫住42:25,我估呢個係同第一名的差距,第一名的時間係 33:47,做一做加數,我估個人時間應該係1小時16分12 秒,希望下年可以收窄在一小時以內啦!

3. 黑面當日好興奮,因為佢個好朋友既男朋友跑第一,但事前又要懶神秘怕俾人知。

4. 寫完電車男求生指南無耐,昨晚俾三女一男圍攻,俾人圍住笑足一晚,有無人可以寫求生手冊俾我參考下呢d 情況要點自保?

5. 以後社交場合都係唔好搵埋A小姐出來,因為佢會鋤弱扶強,或者將本來強勢的黑人去勢,然後置身事外摷仔耍樂。唔駛算命師傅都可以feel 到佢個八字係剋住我既。

6. 情人節大破財,老豆六十大壽,平時一家食餐飯就算,今次一定要做d 野。多謝E提供的資料!琉璃工房果隻馬應該夠照,希望唔會太貴啦!

7. 高人幫小弟算過八字,不算好也不算壞。本來問事業的,大師隔空感應到小弟的毒電波,順帶講埋姻緣:老婆/女友不是本地人,或許是驛馬四方的人,而且不是今年喎!

8. 承上,即係可以疊埋心水練跑畫公仔啦!要早些準備八月份的comic world了。

7 則留言:

匿名 說...

有無人可以寫求生手冊俾我參考下呢d 情況要點自保?--- Apart from fleeing the scene, can't think of other ways la wor

There's 2 A小姐 last night, which 1 r u accusing sin?....

將本來強勢的黑人去勢--- sound so ambiguous, hahahaha.......

p.s. obviously, my writing pad is still in its box : P

黑人 說...

> ta

摷仔耍樂喎。
我都有諗過止蝕離場,不過我覺得離場都一樣死。

SZE 說...

高人?介紹下丫!我都想搵人算一算八字呢!

匿名 說...

黑人兄是否跑十公里賽?

Betty 說...

>>>>或者將本來強勢的黑人去勢

爆笑0左!!!

kenkachemhazard 說...

天馬星入夫妻宮? 我都係wor

匿名 說...

Taki 看不看 Seven Pounds?