星期一, 4月 13, 2009

決定(中)

看到阿塔的「決定」最終回,心中不禁歡呼一聲:好野!靚女阿塔又single and available喇,快d手輪籌先。

睇睇下,L君所講的說話,換著係我都會咁講。L君某些所作所為,我都會做。

憑此推斷,我應該跟L君擁有某些共同的性格弱點,如果呢d弱點跟阿塔work唔到,換我落場亦一樣。

托某風流才子的福,可以聽到不少美女blogger的感情事,有事主直接同我講的,亦有間接聽回來的:某某陷入感情死結啦、某某的男友不中用、某某太狠心諸如此類的,聽得越多,越能夠從當中發現自己的影子。

「如果我是X的男友,可能都會同樣不中用...」

「如果我跟Y拍拖,也許同樣狠心也說不定。」

做完checklist,撫心自問沒有男事主的性格缺陷,換自己上場又會有其他問題,邊有咁荀。

**********

朋友見黑人菊晶上腦,好心勸說:「你未ready,等下啦。」

怎樣才算ready呢?財困中的苦命男女會講:「賺多d先啦師兄。」

買野唔睇價錢的人會話:「賺夠自己果份,性格成熟就可以。」

所謂ready-ness,人人言殊。

自問是「搏擊會」入面所講的30 yr old boys,只是肉體去到30歲而已,男人怎樣才算ready這類哲學問題,不懂。

更可能是永遠都不會ready,只是女人接受了這個現實而已。

**********

對比這類沒有答案的問題,「如何跑下一公里」比較實在。

又,講開實在,好想學Krav Maga,感覺比傳統國術直接有效。講到明教你如何打到人爆缸,好過國術師傅一時話練武講武德,一時又話十年方見功,俾人叫陣又推搪練武係強身健體唔係用來打交...

不過學費兩皮幾,又無持續發毛基金,硬食好很貴。

17 則留言:

小瓶子 說...

依? 原来你中意阿塔吖, 好似早十来嗰POST之前就叫你追啦....

现在机会来了, 是你发挥的时候啦!

匿名 說...

咦,有機會bor

Elvis 說...

其實, 根本, 就唔係有冇錢既問題......

Yun 說...

峰迴路轉。

+

又﹐錢唔係唔重要﹐但冇錢始終唔係個大問題。(對於我呢D上左年紀既女人﹐會係個小問題﹐老實講。)

只要遇對人﹐好多野自然就好商量了。I think it's timing, timing is very important. At the right time meet the right person...

匿名 說...

更可能是永遠都不會ready,只是女人接受了這個現實而已 <-- sad

timing is very important. At the right time meet the right person... <-- cannot agree more


--小星

小瓶子 說...

全世界都鼓励你去马, 去啦! 壮烈牺牲好过从未试过.

米都話唔搞咯 說...

人又怎會有完人?

但,人生就只有一次喎。

想做,又諗過,就做囉。

怒火眼睛 說...

無乜ready 唔ready, 只係上腦唔上腦, 當你俾個人吸引到失去理智, 自自然然會衝出去, 到時勸你話你未ready, 恐怕會俾你一拳打殘.

靜待"對的人", 比靜待"對的心態"重要.

塞米一條揚陸轟炸機 說...

> 「如何跑下一公里」比較實在。

所以最實在的,就係你快d去報名啦。XDDD

說...

蔡瀾說:要找男人,隨便找一個好了,別分年輕的或老的,他們都是一樣, 他們不會成熟。

什麼性格弱點 什麼timing 什麼ready 什麼賺多d先啦 都是bull shit

分手理由永遠只有一個: 就是愛得不夠

所以我跟他說 抱歉我沒有喜歡你更多

如此而已

米都話唔搞咯 說...

阿塔都答咀咯...

試吓冇壞丫~

不過真係會忙死你咁囉。

說...

下? 咩事?! 試吓冇壞???!!! 我唔係街邊紅牛試飲喎 唔好咁啦.......

大家冷靜D 人地黑人係咁兒講句笑 '快d手輪籌先' 姐 唔好咁認真 :p

米都話唔搞咯 說...

塔小姐:

唔駛咁認真,我都係口痕講吓啫...我都見過黑哥仔真人;佢絶唔算係怕羞嗰類人,如果要追,又駛咩人提?

網上世界,都係口痕吓咁啫...

polly chik 說...

未ready, 因為仲係會十五十六, 仍然會猶豫, 而唔係你個人未ready吧...

同意怒火: "當你俾個人吸引到失去理智, 自自然然會衝出去"

黑人 說...

> 小瓶子

咁有時我個blog既野,都係up下嗟,唔駛每一個字都好認真地按字面解讀
亦都十分感謝你一直以來咁認真地睇我個blog

> 雲妹子

如果我有個朋友呻單身唔開心,我都可能會講呢番說話去開解佢。宜家我好明佢的感受

> Elvis
一個有錢的人呻自己窮,大家會覺得佢謙或者自嘲講笑。一個窮的人呻自己窮,會俾人睇唔起的。

看來兄台脫貧脫寡已久,只怕已不記得箇中滋味矣

> 米搞

所以我一把年紀走去畫同人誌囉!
馬拉松都係咁開始 ~

> 怒火

好耐無見!早排試過俾人tum到無晒理智啦,原來係流料。不過都係好事,原來所謂「感覺對了」十分兒嬉,一撻就著,一吹就熄

> 塞米
馬拉松要九至十月先開始報名,你估我唔想咩

> 塔

嘿,你唔係街邊紅牛,你直頭係蠻牛兼鬥牛啦!

其實我係借你篇野有感而發,「鬥嗡」而已

> polly

好難發生的事,通常失去理智一段短時間就會醒,而且呢d情況通常都係單向的:即係黑人失去理智,對面兜巴扯埋黎笑說「醒下啦傻仔」

xiao zhu 說...

>>一撻就著,一吹就熄。

真係到肉!講得好。

Elvis 說...

關我何事?

我係想講, 有冇錢, 唔應該係去唔去溝女的考慮因素

君不見旺角一眾金毛爛身爛世, 佢地一個月搵兩三萬? 非也。 但卻攬住索女貨如輪轉。 佢地唔係食軟飯, 但佢地媾女亦唔需要花咩錢