星期三, 4月 08, 2009

四月運程

某大機構要設計一個interactive booth,又報價又要proposal,搞掂之後話唔做。(即係搵左另一個supplier)

跟左就黎四個星期,得幾千蚊兩個人分的web project,個客唔認數又添新requirement,話做完就找數。而我呢邊就話唔找就唔做,僵持,似乎佢又係搵緊另一個supplier,搵到記住話我知,我都想知你地咁L奄悶又無錢又高要求,有邊個頂得順

連續搏殺左好多日,昨日通頂趕工,今日個客打黎話做錯晒請重做,附上溫馨提示請閣下不要懶醒自動波,問清楚先至做。
d料又係斷截禾蟲做住先,唔夠資料,執生估中就係應份,估錯左就係你懶醒,好波

就黎close既project,個客突然話有些finishing touch,差好少嗟請快手做埋佢啦 ~ 粗略估計需時至少三日

本來programmer話好易既programming,由三日變成要做兩個星期,放假休息停工,陣間要諗辦法同客解釋

好似仲有個客拖數就黎拖左三個月

欠人既數找晒,但人欠我既數全部未返

下星期要找卡數

完全唔明點解咁多人羨慕freelancer既生活,可能佢地望到最成功果d,望唔到我呢d級數吧

高人話今年有唔少桃花,中晒,才子E每次回港大把女仔嬲埋去,佢見我谷上腦好心約埋我出黎。d女仔係好掂,不過唔係有男友就係quali太勁哽唔落

唔計上述既野,仲有一份proposal 同埋一份layout要砌,但宜家已經超眼訓,多謝晒。

呻完,埋位繼續。

11 則留言:

凱恩 說...

感想:
好似係金融風暴o既縮影。

小瓶子 說...

知你辛苦啦, 嗰日你出完来甘耐, 结果第二日要通顶, 真系几惨!

萧若元请紧人拍3D肉蒲团, 你去应征啦, 呢套戏我必睇!

如果你需要找收数公司帮手叫D 客找数, 我可以介绍比你.

小瓶子 說...

话时话, 为什么你BLOG上面的相片不见了?

李小龍 說...

可以揾小額錢債法庭,但冇左個客。

唔知你web project包乜,改為接$99999五位數project,或政府project,做d大客仔!

cheryl 說...

都叫你等吓囉

匿名 說...

以上咁多位施主,做freelance被拖數係正常,搵收數公司...怕且以後都冇人敢比野你做.

Elaine 說...

事業未成,不談戀愛呀施主。

小瓶子 說...

黑人谷上腦想发泄only...我估计佢无话想谈恋爱既...

小星 說...

快,好快會有好日子的!

市場維京人 說...

揀得做 freelancer,就要忍受人哋拖數。冇計。

沉著應戰,總會有新嘅發展。我諗。

Cheers!

黑人 說...

謝謝咁多位好友的問候
我未死得,遲d就難講

大project不是不想接,但做緊的大project成日變又成日改,雖然有d肉食,不過攤返長條數都一樣

收數公司就不用了,會再跟個客交涉,唔掂頂多搵小額,反正呢個客無左都唔係損失

總之有飯開就是好日子啦