星期二, 4月 21, 2009

男生的心事

有說男人去購物有如空軍執行攻擊任務:鎖定目標、發射、目標摧毀然後RTB (return to base)。

男人之間的往來同樣適用,攣男或metrosexual男仕不在此列。

且列舉一虛構例子,甲乙是相識多年的好友。

甲:「好灰,接到大信封。」
乙:「有無上jobsdb?」
甲:「遲d會去睇。」
乙:「唔好拖,趁宜家個市仲未大跌。」

- end of conversation -

對比甲丙的對話,丙是女生,相識時間未必比乙長。

甲:「好灰,接到大信封,覺得自己好無用。」
丙:「下?咁慘?你無野丫嘛。」
甲:「臨走前老細仲鬧我係冗員,我知我係無乜task做,但你估我想咩...」
丙:「你個老細咁差架,好來好去嘛,臨走仲咁絕情。」
甲:「係囉!第二日俾我做返佢個客,一定玩謝佢!」
丙:「加油呀!唔可以俾佢睇低!」
甲:「頂,我要快d搵工先!」

- end of conversation -

如果男生間的溝通是戰機surgical strike,對比之下女生的溝通就像戰機花式表演,看完心矌神怡,實質上沒有達到任何戰略目標,但臨床實驗証明99.9%的男生經歷第二種對談後心情有明顯改善。

為甚麼差異這麼大?是同性相斥嗎?女人間傾心事倒可以傾得很深入,所以不成立。

是同性間的原始競爭本能作祟?同上,女人間爭風呷醋只怕比男人更嚴重,但女人的peer support通常都比男人做得好。

是男人不解溫柔嗎?黑人見過某些惜字如金的男生,在電話上對女生無微不至,知無不言,言無不盡,所以都不太成立。

男人間的傾訴有點像新華社的新聞稿:中性技術資料可以講,好消息可以講,壞事必定要藏起,情非得已,則選擇性披露。

為何同性如敵國?黑人隱隱想到一些線索,卻未能總括成有條理的說法,看倌們又有甚麼高見?

11 則留言:

匿名 說...

「實質上沒有達到任何戰略目標」

這個不對!
只能說男女目標/在意的不同。

--小星

凱恩 說...

可能要甲乙丙都得閒時先可以比較。如果例中對話喺MSN度講,對方說話精簡可能係有要事在身。

其實嗰本火星金星有講過你嘅問題,我覺得都幾有道理。

小瓶子 說...

我比较有兴趣知道阿塔会有D乜唔同的讲法...哈哈哈...中意你既人会响呢嗰时候讲D乜呢?

黑人 說...

> 小星

站在男人角度,例子入面的女生講的說話是沒有「實際功用」的

相反,例一的男生提供了實在而精簡的course of action


> 凱恩

你這是很典型的男性想法
對話精簡 = 有要事在身

可能是無心機同你9嗡,或者有心無力
甚至暗中在幸災樂禍

又其實,即使好得閒星期六日,男人間對答都會跟例子的差不多

> 小瓶子

你咁有興趣知,親自去問佢囉。
我就覺得成日阿塔前阿塔後好奄悶喇

匿名 說...

完全基於你用的對話例子 --

我會認為男生的「說話」無實際意義。
鬼唔知接到大信封要快手搵工咩? 「遲d」可以解夜晚或者聽日或者順口講。除非屋企好有米,又可能對自己好有信心,否則使乜男生乙講:「唔好拖,趁宜家個市仲未大跌。」唔搵工可以食綜緩呀??

反而因為被人炒,心情唔靚要解決。

其實大家都係架,心情好,做野爽手d質素好d。因此丙:「下?咁慘?你無野丫嘛。」俾甲發洩吓,「加油呀!唔可以俾佢睇低!」顯示支持,更有實際功用。

--小星

凱恩 說...

>黑人
你話假設甲乙相識多年,咁我估應該唔會係幸災樂禍掛…
如果無左呢個假設,我都覺得九成係乙想敷衍了事

男人天性都係喜歡處於領導地位,如果有人向男人訴苦,基本上佢會理解成想向佢求助,於是就會講d solution出黎,覺得咁就係好helpful。至於情緒上困擾嘅對應,男人反而比較內斂,最多約你出黎飲野希望你心情轉好,較少會言語上開解支持。另外男人偏向會覺得情緒困擾係屬自我管理範疇,強烈少少會覺得輕易將情緒表現於人前係軟弱嘅表現。

所以,除非訴苦的話題係有關女人又或者係想尋求協助,否則男女都好,都係搵女人傾訴都比較開心啲。

小瓶子 說...

甘你提起啊嘛...你搵嗰第个来讲, 我地米又可以讲下第个咯...哈哈哈...

不如试下hana 吖...

黑人 說...

> 小星

正是,站在資訊性角度,第一個例子的說話非常informative,但完全無人情味

第二個例子才是人類交流

> 凱恩

相識多年都可以幸災樂禍既「拿我勸左你咁耐你都唔聽,宜家抵你死。」

你講的都好有道理,但男人對住女人面前d rules就會轉晒,突然唔怕講自己的心底話,變得軟弱都無所謂

我都同意有心事最壞的選擇就係搵另一個男人傾

高妹 說...

又唔一定係男女既分別喎, 好多人一聽到人失業都會問"咁你有無揾工", 呢d都係好一般既對話,但係人地聽落會覺得你係想八卦多d, 並無真正關心自己,自然無咩興趣繼續講落去

高妹 說...

黑人,
(靜靜鷄同你講, 唔好俾瓶子聽到)瓶子妹叫你轉目標, 不如試下瓶子啦,睇佢點講...嘻嘻

賀靜 說...

Dear Blogger,

We are the PR company and would like to invite to join

預告片﹕http://www.youtube.com/watch?v=Jyv1hcMDM2Q

微電影在29/7有分享會,火火導演同泥鯭會分享拍攝心情等事,

日期:29/7/2013

時間:1530-1630

地點:Backstage Live Restaurant

地址:1/F.,Somptueux Central中環威靈頓街52號

出席嘉賓:火火/泥鯭/稻香代表

主持:李漫芬(TVB)

Gift: 稻香精美月餅一盒!

名額10個, 有興趣可發email: henry@zoapcon.com or 90419925 聯繫

http://blog.qooza.hk/fcxvvt03?eid=26597673