星期一, 4月 27, 2009

Lil Mic 發女王

聽光明頂archive無意發現,雖屬 old news,但黑人仍覺得非常exciting。

話說光明頂請來「發女王」lil mic做嘉賓主持,講解他的「發女」心得。「發」者,英語fcuk的諧音是也,根據他本人解釋,可衍生為「發生感情」和「發生關係」兩種層次。

黑人聽了上半截,發現兩位主持不尋常地克制,果然下半截發難,插到lil mic一棟都冇,尿咪是也。無他,講了半場還是遊花園不著邊際,又不是甚麼成名人士,唔插你有鬼 (對比訪問許鞍華,扣除「嗯」「唔」,許大導好像講少過十句話,兩位主持仍禮數有加)。

必勝秘笈黑人就沒有,但減低失敗率的法子倒有一二:

1. 忌懶醒:例如lil mc在節目中那種懶神秘懶有野的遊花園,對無知少女或有些用,稍歷世故的已采你有味。女生就算頭腦再簡單,直覺通常都很敏銳。只有少數把妹高手能夠將女生把弄股掌之中。大多數平凡男生如黑人,還是老老實實不要耍花招了。


2. 有要求/品味:記得以前臭四港女教主梁穎妍寫過一篇講男人鞋的文章,惹來社會各界口誅筆伐,梁教主辯解說她是希望男人「有要求」。同情地理解,可能她表達力有未逮,是以淪過過街米奇,人見人打。

然而「有要求」倒值得稍作研究。

大多數電車男毒男宅男,除電腦性能和女優樣貌身裁以外,對生活都無甚要求。只要有寬頻和BT,大多數毒電男都可以在任何第三世界國家happily ever after。

久而久之,港男對於「衣食住行」都不甚了了。可以天天燒味麥當當直至他踏入中年,胃液分泌不足以消化麥記那些防腐薯條為止 (到時會轉吃KFC)。

平日圍內毒男聚會,吉野家、美心MX、大x樂和乜記燒味搞掂,旨在補給,食不知味。結果約女孩時,「食乜野」真係query半日都無結果,因為no data。

同樣,不少毒電男對音樂的要求亦僅止於「有d聲嘈下無咁悶」的層次,查實喜歡動漫電玩soundtrack不打緊,至少要清楚自己喜歡甚麼。不少宅族能分辨某動漫主題曲五個不同版本的細微分別,其熱心程度不亞於古典音樂發燒友,即使不認同其口味也值得尊敬。最差勁是傻鱷鱷有又得無又得,唔知自己想要乜,會給人強烈「無主見」的印象。

「有要求」某程度上可以翻譯成有上進心和有主見,例如對攝影有要求並不斷精進,通常都會增加印象分,只不過攝影品味不如衣著吃喝般容易彰顯就是。

「有要求」不是罪,梁穎妍只重物質,著眼男人well-heeled大造文章,自然被人當成港女教主祭旗。


3. 編劇能力:其實大多數宅男都擁有一定程度的編劇能力,一套動畫播到若干集,宅男們已經可以猜到接下來的劇情公式,甚至推演一些比原著更佳的劇情。

編劇力有甚麼用?能力越佳溝通越佔優。首先,優秀的編劇表達方式都非常圖象化,擅抓重點捨枝節,即使閣下真的不擅辭令,懂編劇原理後,至少知道悶位在哪裡,可以及早閃避。

編劇訓練的第二個好處,是有助推敲一些人性公式。

編劇能夠憑少量細節描繪人物的生活性格,例如一個朝9晚6的OL,公司沒有MSN,城大econ畢業,26歲,興趣是唱k和吃東西,扣除通勤時間,她的空暇時間應該非常多,唱k和吃東西都需要伴 (極少數人例外),不能天天都做,要麼她是非常多姊妹朋友,否則就是長時間都很悶很寂寞了。

編劇能力並不能令對方跟你的劇本辦事,但可以助你問對問題,poke the right spot。

如要鑽研有關編劇的資料,黑人推獎Screenwriting 101這本書,這個網頁亦有提及一些描寫人物性格的大綱


******

寫完,原來自己都係超悶,食野不外茶記麥記,十年無聽過流行曲只係間中聽下OST,編劇已擱下多時,假如換小弟上去做節目,恐怕也是尿咪收場。

18 則留言:

匿名 說...

我都有聽以為係乜猛料把妹達人,點知係條友自誇之說,聽完都覺自己好無聊...
呢條友9嗡之逃徒!

kk

小瓶子 說...

弹嗰节目条link 来听下吖.

匿名 說...

陳大文裡有得聽!好易搵到

小瓶子 說...

陳大文嗰度有光明頂archive? 搵唔到哦.

黑人 說...

免費收聽

part a:
http://www.badongo.com/audio/14448807

part b:
http://www.badongo.com/audio/14451567

匿名 說...

約女孩共膳時,可問她意願喎...
可以直接問去邊間或者食乜類型e.g.上海菜,西餐等等再根據budget & 地區去open rice搵


--小星

米都話唔搞咯 說...

小星,乜你冇睇過得閒飲茶嗰段片?(我都冇睇過套戲,不過係响前排港男講女度睇到...)

匿名 說...

我真係無睇過全套...星期日檔案播嗰幾分鐘算唔算?

其實仲可以有少少技倆:

1) 二選一
舉出兩個選擇,讓女生選。當然選擇可根據你對那位女生的了解,例如明知佢唔食辣,你真係無理由以麻辣火鍋做其中一個選擇,咁梗係搏鬧...

一個一個咁揀同二選一係有分別的。當逐一逐一考慮咁會諗到好多unfavourable 嘅去推翻個建議; 如果二選一的話,會集中比較兩間餐廳,從而投向一個選擇。而且你提供「選擇」顯得你有主見得來又會尊重女生意向...應該ok。


假設你第一/二次約食飯,未掌握她的喜好,可參考以下兩點:

2) 份量少款式多
女生大多眼闊肚窄,如果餐牌有相/改d名有趣,就樣樣都想試。但是太大份的食品,一樣就飽肚,無得試其他,該餐的滿足感大減。再講,要是男方無問題,逐碟讚吓彈吓都有嘢講!

3) 甜點
女生大多喜甜點 ,選一間餐廳有多款甜點 會「安全」d。你可能會講,食完飯再去糖水舗!咁你要好有信心你食嗰餐飯無悶親女生,佢先肯去糖水舗。

當然,以上只適用「部份女生」,希望係大多數...

--小星
(嘩...我打咗好多字 :p)

匿名 說...

「要是男方無問題」-->要是男方無野講

匿名 說...

「要是男方無問題」-->要是男方無野講

** 飛雪素素 ** 說...

hahaa lil mic~ 我都有聽。 =D

文迪 說...

我係好hea咁去食麥記kfc茶餐廳大快活的, 頂但我係女生...

黑人 說...

> 小星

我以前都有提過類似的建議
好些港男真的完全無要求,只要價錢平,餐餐茶記麥記都無問題

有時想吃好一點,他們勉為其難,味而嚼蠟地吃完起身便走 (未必一定關錢事,是中高價食肆的氣氛令他們不自在)

跟女生約會這一點簡直是死穴

> 飛雪素素

原來lil mic 出過書,係hip hop中人,陶傑幫佢寫過序,森美推介過佢本野,真係估唔到上到節目屎成咁

> 文迪
嘩,咁你在電車男市場中好易呼風喚雨啦

小女子 說...

其實進餐地點 ja … 唔需要太執著呀 …
好又一餐,唔好又一餐 ja …
下下要講品味,氣氛…
同食香…有咩分別…

** 飛雪素素 ** 說...

lil mic gum 堅 ga? I think he has some sense of humor wor haha.. At least he admitted his own weakness =)

米都話唔搞咯 說...

> 文迪
嘩,咁你在電車男市場中好易呼風喚雨啦

x2

Elvis 說...

乜呢期個個都教人把妹.......

渣估 說...

1. 把妹難, 要「和諧」甩妹都唔易。
2. 有料到的把妹達人, 又點會咁易教人?