星期四, 7月 05, 2007

感想

見到李永銓對香港設計新一代的評語 (please jump to pg 70),這類的說話不知聽過多少次。

若果這是一條10分的會考中史短答題『試述香港設計衰亡原因』,model answer將會包含以下數點:不思進取(2), 眼界狹窄(2), 人才惆零(2), 民怨蓋天(2), 宦官弄權(2)。

(1)
為甚麼香港設計業沒有人才?我相信一個城市無可能連一個創作人才也產不出來,尤其是資訊較內地相對開放自由的香港。其中一個很主要的原因,就是設計行業的行業形像、待遇以及前景均無法吸引精英入行。一個有創作能力、有國際視野、精通兩文三語的人才,會考慮 8千元月薪能否開飯搭車供樓還grant loan,而且稍有長遠眼光的人都會知道做設計是一門消耗精神體力的行業,要追software,要挨夜,轉行出路窄,肯定做不長。設計熱誠的基本燃料是錢,沒錢甚麼都免談。

(2)
咁是否出手低果班老闆應該拉去打靶呢?我相信多數公司若果經費許可,都寧願出多d錢請叻人。問題係大客都已經北移,對多數跨國企業而言,香港已非重點市場。剩餘下來本地的二三線中小企客戶,可賺取的利潤有限,甚至能否建立長遠的合作關係也成問題,design house 出手低,跟佢本身賺唔到大錢有直接關係。

(3)
香港設計師本身都有頗多困局,唔係話熱血就可以解決到。例如對大陸文化認識不足,不是認識多d就得,換著我係design house 老闆,都寧願請本地薑 (最多搵一兩個art 大碌柴head 住) 好過請香港散仔上去,話晒大陸人口味梗係大陸人捉得準d,成本又平一大截,香港人點肯逗四千蚊RMB人工呢?

Dr. Li 仲以為香港人覺得自己優越,大概係佢自己對香港設計民情已經多少脫節吧?

講座無人發問,除左係佢所講的原因之外,可能亦都係「問完,咁又點?」與其俾位你入,不如留氣暖肚

對不少香港設計人來講,好多晉升的路已經斷左,對大陸人卻不然

望到有明天的人,即使今日仆街,都會努力向上爬

到底是吃肉糜還是無飯開,有得揀嗎?

9 則留言:

Chris 說...

第一句是:「好!」

第二句是:「中!」

第三句是傻笑地說:「哈哈,我又吾知幾是先回到你喇,總之有拖冇欠啦!」

cheryl 說...

我都好想撈呢一行o架以前,最終都係consider呢方面唔係咁有保証,原本諗住入硬poly,最後都係報咗hku文學院...

不過講真咩人會去讀design? 都係主流教育放棄果d人。勁人少之有少...

上次想做吓freelance,頂50/hr,我真係唔可以搵咁少呀!!!!!

如果香港有間切切實實嘅art school就好囉...

cheryl 說...

BTW,大陸人口味呢個真係經典
以前貼過同事嘅聖誕卡中作,不過唔想老板見到產咗...

真係嘔血o架... 但個大陸客又buy囉,吹漲

黑人 說...

>Chris

嘿嘿,慢慢啦。又唔係交功課

> Chryl

一個好的art director 先決條件是自戀,我想你一定及格呢...嘻嘻嘻!

睇過你d 畫,我當時已經估你係果d決定不入行的人!嘿!

除左design,香港電影界都有同樣問題,稍為有能力的人都不敢入行,因為個生態扭曲得太嚴重,養唔到人更防唔到老

cheryl 說...

其實都關個人事嘅,唔可以淨係賴呢行不濟

我唔想入呢行,另一部份係覺得自己冇創意。雖然係可以練,但先天不好足好有影響。同埋一D功力都cap咗,知道自己唔夠人勁。加上我個人比較平實,癲倒嘅生活我唔係好想過...

但我都應承過自己,第日一定會再讀art。以前好想去poitier度讀,不過果時點都係一個夢,冇諗過話可以實現。誤打誤撞又俾我做番呢方面嘅part-time,先覺得d嘢掉抵咗仲有用嘅...hehe.. 心入面其實仲有團火。我而家take緊堂design culture,個missey好正,意大利人... 睇佢個portfolio我諗:乜搞藝術搵到食o架咩??? 原來真係得o架喎... 好羨慕!!

Chris 說...

黑人,

我曾是個極度完美主義者,不滿意的功課我是會到deadline過後後後都未交,於是十份功課通常只交到一兩份。可能這就是你說的procrastinate吧。
這樣的工作態度簡直是玩死自己,除非去當一個藝術家。
所以呢,此後對拖延任何事情都有種罪咎感,哈!


你說的「好的art director 先決條件是自戀」好「到」。聽落好像缺乏邏輯,但其實又很準確。
這給我一個好好理由去繼續自戀。


好采你無話要修得art sense的最這境界的必要條件是像達文西和衆時裝設計師般是homosexual,否則我吾知點算好。

學子 說...

我諗康港設計人的出路 (除非已撈得好掂,否則只有) 是放眼世界。原因很簡單,因為康港根本沒有一個良好的氛圍供行業發展。

二三十年前,Poly School of Design 還是太古設計學院時,有不少語文水平學術成績優良的學生報讀設計,但不知何時起,設計變成讀書不成的避難所。教育制度不容藝術設計人才升學是其一原因,但歸根咎底都是社會太過功利,連辦學也商業化。

讀書叻去讀設計是戇居。做設計讀得多書又戇居。行業怎會好?(看看各大本地設計 forum 便知,新一代根本不信學歷)

康港連一所 art and design college 都冇,art 同 design 完全分家,加上輕學術,過重實際,design 已變得單一的工商化,膚淺裝飾欠內涵成了主流。

在康港做設計沒有太多選擇。要是不做,要做就要做到有一定國際水平,否則,只是一名藍領勞工。

黑人 說...

> chryl

你個miss 既portfolio真係幾偏向美術方面
係呀....愛穩定的人真的不要入行
天份係有少少比重既,但心態比天份重要
特別在創意行業,最掂果班係心態一路keep 得住的人

我見你個扑入面果d 係textile pattern?

*****************

> Chris

我同你差不多,近期有種心法應付呢種procrastine,就係從細部著眼。要我成個web layout 咁去諗,個人真係會轉唔郁,淨係諗條 navigation bar 開始呢,件事又好似易好多,砌下多d砌下多d,成件事就出左黎。

叻人無公式睇既,話唔定你就是下一個!發左達記得請小弟做看更 ~

****************

> 學子

你講果d on9 野我全部做齊
切雞人工低,因為而淪為技術行業,亦即類似通渠、鬥木果類
呢d行業在香港人工真係好低的,在英美澳加國就貴得厲害

查實我都唔知下一步出路如何
只有繼續砌好眼前的稿,見步行步
哈哈哈嘿嘿嘿嘿嘿 (苦笑)

cheryl 說...

唔係啦,d低b嘢玩顏色咋嘛。我都唔知自己做緊咩o架其實...