星期四, 5月 29, 2008

戀戰

周期五會跟兩位紅顏知己外旅遊數天。
事忙,一直以來都沒有參與planning,亦醒目不加任何意見。
唯一不能接受的地方,就是N年雪藏牌的溫小姐自告奮勇,要租車做柴可夫,並指定大家一定要坐她的車。

相信任何曾經在美加留過學的朋友,對於鑑別柴可夫都有一定的心得:某甲手車夠定、某乙考車當日大家不要出門、某丙受到挑釁會變成藤原拓海等等,一概都心裡有數。經過一輪磋商後,演變成以下對話:

「租車方便又平喎,一晚先至x元,同搭車差唔多。」
「我明。」
「咁點解唔坐我架車,你信唔信我手車先?」
「唔信。」
「我呢幾日都有搵朋友架私家車去練返,無事架,你信我啦。」
「我諗下點搭車啦。」
「妖,你係咪咁煩呀!」
「係。」

開郁一架車,不難,任何人稍為學下就ok。

黑人的風險評估算式如下:
缺乏路面經驗 + 陌生城市(交通指示不同) + 個性急燥火爆 + 體質虛弱 - 5次練習 = 危險

就算宜家減到得返一日,都唔敢坐,尤其果日都算係中長途車,計埋蕩失路,隨時兩個零鐘車程。是否小弟無膽呢?Better safe than sorry. 至截稿為止,溫小姐依然堅定不移:「無論點我都一定會渣車!」黑人腦海中已想像得到佢事後會講乜:「拿!當初我都話左無事架啦,係你自己麻麻煩煩驚東驚西。」

我寧願俾你咁講,也不希望自己是對的。

十分強烈地感覺到,未來幾日應該會幾無癮 (自証預言),下次都係自己旅遊算喇。

26 則留言:

ah-yun 說...

「跟兩位紅顏知己外旅遊數天」

哇! 艷福無邊呀!!

去邊度快活呀?

如果坐我車﹐定!

黑人 說...

> 雲妹子

你估下我去邊啦 ~ 嘿嘿
無乜艷福咋喎,兩個都不是我杯茶

ah-yun 說...

咦﹐猜謎語呀。下﹐我唔識播。嗯…… 我估係有中文既﹐台灣囉。

旅行既野囉喎﹐係可以令人改觀架嘛。

(其實同兩個女人旅行都可以係一件好麻煩既事﹐你好事為知啦。哈哈。)

:P

Elvis 說...

點解我近年旅行, 大多孤身一人, 冇你咁多紅顏知己相伴?

說...

你咁就唔啱啦,應該學吓郭生,有為紅顏知己作犠牲既準備。

塞米一條揚陸轟炸機 說...

"點解我近年旅行, 大多孤身一人, 冇你咁多紅顏知己相伴?" +1.....


到時會唔會有人有意圖搶呔渣架....

黑人 說...

> elvis

你孤傲不群,除非你自己現身,否則邊個埋到你身呢?(前一次送機已經有女fans 聞風趕至啦,你咪扮野咯)我呢d和藹可親電車男,一齊旅行的作用只係搬粗重野

> 米搞

佢地兩個名花有主,得我一個死固然呻笨,一齊死又會蒙不白之冤,啋啋啋...大吉利市,都未起行講埋d咁既野


> 塞米
都係你醒,我就係驚人搶呔!

匿名 說...

嘩~人哋嗰兩個「主」咁老定,你一定係正人君子啦!

匿名 說...

嘩~人哋嗰兩個「主」咁老定,唔怕你意圖摘「花」。你一定係正人君子啦!

黑人 說...

> 匿名

兩個主咁放心,係因為若果我斗膽摘花,兩位小姐先閹左我都似

凱恩 說...

有得遊真係好… 話說板主好似都好耐無外遊囉,影多d靚相返黎啦!

Elvis 說...

我地個日本trip, 都仲係停留係個講字既階段。

大大話話都有成10年囉

黑人 說...

> 橙 nj

當年呢個無錢,果個未畢業,時地人都錯了
現在三萬銀可以在日本玩到一個月嗎?
即使可以,大家又能否再抽身放一個月假呢?

過左去就過左去咯

Elvis 說...

挑, 有心唔怕遲既

凱恩 說...

plan 係可以改架姐。一個月去唔到,咪去10日囉。搵個淡季去,三萬銀點都夠駛喇掛~

問題係個plan。當初個plan好籠統,而家要幾個人圍埋一齊傾真係幾難…

我地好似out哂topic添 =p

說...

點呀?去完沖繩未呀?我都計劃緊去旅行,如果我係一條友自己去沖繩,得唔得呢呵?

匿名 說...

有女相伴,玩得開心d!等你返來教講事發經過。

Carole 說...

返來未???

匿名 說...

睇黎果位姐姐仔好aggressive下喎.

做sales / 中高層management應該幾有睇頭.

希望你呢日唔會畀人黑面啦. 哈哈!

黑人 說...

>nj+橙

年底會再去一次正常的旅行喎 (即係不用湊小朋友,大人only),未諗到去邊,暫時計劃去泰國,一來平,二來應一應個流年運程都好

>et

返左黎喇

> 芸生

遊記有update 喇

> 匿名

你講想渣車果位?不行啦,people skill 近年改善了,是零,之前是負數。

匿名 說...

"不用湊小朋友"


小朋友都幾好呀,令到你個trip充滿energy

匿名 說...

小星:

小朋友真的好難湊,佢地會在上午燒晒你d energy,下午表現自已0個d energy;夜晚再發下脾氣。
結果兔仔晚晚走去黑人間房避難

匿名 說...

嘩嘩嘩~~
"兔仔晚晚走去黑人間房"
黑人要多多多謝小朋友啦


(hehe擺明斷章取義)

黑人 說...

黑人答曰:「子非我,安知其苦?」

匿名 說...

我非子,固不知子矣!

哈哈...
有美相依,其樂無窮,想當然矣

匿名 說...

黑人不求美,但求耳根清靜