美帝軍糧

話說黑人一位親戚非常英勇地參與新奧爾良重建工作，每日食糧是美軍專用的MRE (Meal Ready to Eat)，據聞因為成本效益關係，大量MRE無法發放到民間，貯積供義工們隨便使用。

親戚臨行前抓了一大票美帝魔軍的糧食回港，並委托黑人消耗美軍的兵糧以挫其銳氣，協助中國和平崛起。黑人不負所托，紀錄如下：


全套MRE，綠色的袋子是加熱用，紅色小袋是即沖能量飲料，士多啤梨味無睡意Gatorade，還有一條無花果醬捲(fig bar)無影出黎，基本上蔬果肉食都有齊



餐飲及調味料



前菜



有點辣味的芝士醬



美軍糧食經過精心設計，包裝與彈藥盒無異，用以混淆敵人



基本上維他命A-Z都有齊



將兩包主菜放入綠袋中，加水會產生化學作用生熱，包裝指引說要將之以45度斜放在rock or something，黑人家中沒有rock，唯有用something代替。



茄醬肉捲(味道跟一般的千層闊條麵差不多)



周打蜆味道跟金寶周打蜆湯未加水時差不多



各國軍糧比拼



BBC 實戰MRE短片

智者利仁的偽術

有些人喜歡用「偽術」這個諧音字去貶低藝術，指藝術是騙人玩意云云。

Fine，但人類在大自然中，向來都係master of deception，無人講過嗎？

偽術不是罪過，見工求職、追女仔、見家長、入學面試、舊同學聚會等等，大家都在扮野：得閒的扮忙，忙的扮得閒，或者本身得閒但係扮忙人去扮得閒、散戶充投資專家、睇VCD後充影評、買幾件名牌充潮流達人...不贅。

自然界作偽扮野的例子多不勝數：眼鏡蛇的假眼、貓、青蛙或猩猩受威脅時扮大隻的舉動、八爪魚偽裝迷彩、遠古人類睡覺打呼扮清醒等等，全都是「講大話」，誠實才是違反自然的現象：

羚羊：「我無氣跑唔郁了。」
獅子：「哦，見你誠實，放過你啦。」

中國大陸的假大空，可能只係人類求生本能極致的表現，証明大陸人尚未脫離Maslow Pyramid 最底部掙扎求生的階段。

企業容許談判桌上有bluffing 或者partial truth，但員工虛報開支就是死罪，兩件事同樣是不誠實，因為利害關係，一種被默許甚至嘉許，另一種卻變成罪惡。

黑人相信道德最終為利益服務，例如亂倫不道德，背後牽涉社會倫理及遺傳學的利害關係。大麻有一段時期是合法藥用品，現在卻因為社會利益被禁制。某些國家的未成年女孩子(或男孩子)可以賣出去作勞工或性交用途，在其他地方卻是犯法，因為兒童對該社會的利益有所不同。貓狗在某些地方是食物，在某些城市卻不準吃，因為「無人性」。

當一種道德標準不再符合社會利益時，自會被淘汰。例如古時名譽受辱，向對方立挑戰狀生死鬥是合法的。為挽回名譽將對方殺死(或被殺)，是值得嘉許又符合道德的行為，後人為決鬥喪生的親人報仇，也曾經是一種必然的道德標準。

到底現在有幾多類似的道德規條，會慢慢隨著社會利益關係轉變而不再「必然」呢？

以前遇上不同的國文老師解釋「智者利仁」一句，較多說法是「仁者多數也很聰明，或者聰明有助發揮仁的精神之類」，講完連自己都覺得無說服力。

會考時，國學活字典堅叔的解釋是：智者雖然不是天生就懂得「仁」，分析利害關係之後，選擇行仁。此說放在前文後理比較合理，亦符合人類史上對於正義和道德的態度。

又所以，黑人認為滿口仁義道德不打緊，衷心將之當成真理就笨了。

秋葉原版本

外勤過後，辛苦搵來志在食，走去Mos Burger嘆返餐。

邊吃邊聽著好些日本流行歌手作品，其中有首翻唱甜美版的My Favorite Things

唔知點解諗起佢，跟住首歌就變成限制級：

Lolita Dresses and supersize breasts,
Inflated Marys with vibration switches,

Beautiful maidens all tied up with strings,
These are a few of my favorite things.

When the boss barks, when the job stinks,
When I'm feeling sad,
I simply remember my favorite things,
And then I don't feel so bad.

真邪惡是也...ku~ku~ku

好問題

遠古留學年代，一日趕完project，波蘭電車男鬼仔帶黑人去蒲。

當年還未有電車男呢個term，黑人已經覺得當晚超級geeky，邊有人坐低落pub講photoshop樂與怒呢？

黑人並非英文欠佳或者怕羞，只係覺得伴著強勁節拍電子音樂罕有地望到沒有overweight的鬼妹跳舞，不上前搭訕而只係拿住啤酒安坐位中講graphic design 以及web programming，成件事都錯了，如果再插嘴，係錯上加錯。

當晚電波男(電車波蘭男)問了黑人一個幾錯的問題，錯在黑人。

「點解你地香港人一黎到外國，就即刻改多個名叫自己做Peter Mary Kelvin 既呢？我叫Kapas Kaspersky，行不改名坐不改姓，呢位叫Muhammad Ali，係你地先至咁得意架喎。」

********

又記得，白堊紀某期號外訪問梁朝偉，佢去到外國，照樣叫自己做Wai Chai (偉仔)，話知你唔識廣東話，一於少理。

十幾二十年前時尚流行揀個偏門又有典故的英文名，佢夠膽逆行又夠膽認，好野。

死小孩

最近不斷收到某設計組織的宣傳電郵，介紹新課程或某某名人嘉賓的坐談會。

還記得幾年前，黑人是創辦成員之一，用盡各種資源人脈希望把組織「搞好」。當時最大的難題，在於如何令一個名不經傳的小組織有新會員和穩定收入。

當時某位高權重的法律界前輩說你們搞課程吧！香港人永遠都想進修，這是取之不盡的水源。另一位擅於宣傳的社工前輩跟黑人說，想成功，就要借力打力，當時潮流興甚麼，你們就順勢搞些相關活動，例如某一期流行村上隆，你們可以搞個講座分析村上隆X設計，借人家的招牌省卻不少宣傳力度。

年輕的黑人聽完，覺得相當有道理，而且這些都是tried and true的手段，也就向組織頭子建言。

兩位中年頭目聽罷，急忙灑手擰頭 no no no：搞課程太攻利、借力打力不夠純正之類，不少rejections歸根究底，原罪都是黑人太年輕。

總括大小會議及電話對談的經驗，兩位頭目打從心裡認為2字頭的死小孩不可能向4字尾的前輩指指點點，或者4字尾的見解都不會錯。前輩們聽到年輕人的建議(不限於黑人)，腦袋的不隨意肌立刻ban左先，建議的內容或重點根本無法穿透前輩們的大腦皮層，ban完也不知自己為甚麼ban，隨口編個理由就是。

幾年後，所有太攻利又不夠純正的事情，前輩們全都做了。

這證明建議本身可行，也許present 的人或手法錯了。

該設計組織能否成功已非黑人關心的事情。目前的興趣小組活動，三五年內也不會有影響業界生態的能力。興趣活動一旦成功賺錢，前輩們會否捨易取難，是個大問號。

再加上改善業界生態環境，又不及改善自身生活條件那麼逼切。

學堂年代，安省專業設計師公會的創辦人在課堂中也說過，推動設計業界專業化，大前題是你自己不需要靠它搵食。

**********

話分兩頭，黑人不經不覺已經由死小孩變成討厭死小孩的年紀。

死小孩通常是2字頭，略受高等教育，有些自負又有些天份的溫室青年。年少跟氣盛永劃不開，大家都急於表現自己，目空一切，挑戰成規，推倒過時不濟的事物。

可是挑戰者受識見火候所限，內容大多乏善足陳。而站在受挑戰一端的大人，也未必有包容挑戰者的量度，尤其曾經被現實打殘的前輩 (不分年紀)，下意識總喜歡打殘其他有火的後來者。

也許死小孩只是個relative的概念：30歲看不起20歲，40歲看不起30歲，如此類推...

年紀漸長除了習慣周身骨痛，另一門功課大概是學會跟新一代棟樑相處。想法子證明後輩比不上自己其實很無謂，因為直至後輩成功以前，證題必然成立。

DAI - Oasis

男人之間每次觸及美女這個話題，永遠無女人符合標準，嚴格程度不遜女人妒忌本能的品頭評足：「林志玲？唔係話，又老又瘦啦佢。李嘉欣？哦 (不屑語氣)，原來你buy呢味既。Janice Man？唔係化，佢都算靚？你真係好低要求喎...」

我覺得上面彈結他個日本妹妹幾靚喎。係，平日佢都係普普通通，不過執起結他唱歌就唔同晒。(仲要列晒d chord 教你彈喎，你話幾好心機 @_@，仲有，你睇下後面隻husky 訓住聽歌，幾舒服)

另一首cover，不是世上最好版本，聽得舒服就是，下下最好做乜？又不是樓盤廣告。Sometimes love just ain't enough

最近常在麥記聽到的: Yui, Love and Truth，雖然質佢落廢墟彈結他又化個污糟妝，但本質還是甜甜軟軟牛奶糖，好多男仔答晒糖，自問不太喜歡。

可圈可點的標題

港 產 數 學 神 童
險 遭 港 府 糟 蹋

土 生 土 長 的 10 歲 小 五 資 優 生 吳 鎧 希 ， 智 商 達 130 至 140 ， 昨 日 在 世 界 數 學 測 試 中 越 級 挑 戰 中 學 組 別 ， 取 得 優 異 成 績 。

其 家 人 曾 向 教 育 局 資 優 教 育 組 叩 門 ， 希 望 獲 得 支 援 培 訓 兒 子 ， 惟 局 方 以 鎧 希 是 國 際 學 校 學 生 為 由 拒 絕 。 政 府 走 寶 ， 本 港 競 爭 對 手 新 加 坡 政 府 卻 爭 搶 鎧 希 ， 願 大 花 銀 彈 予 以 培 育 。 一 名 數 學 小 天 才 ， 險 遭 特 區 政 府 白 白 糟 蹋 。

吳 鎧 希 目 前 在 新 加 坡 國 際 學 校 就 讀 小 五 ， 昨 日 在 科 大 主 辦 的 世 界 數 學 測 試 中 ， 獲 得 小 學 組 別 測 試 解 難 分 析 科 的 最 佳 表 現 獎 ， 同 時 他 更 成 功 越 級 挑 戰 中 學 組 ， 獲 得 數 學 科 越 級 挑 戰 優 等 獎 ， 成 為 新 一 代 數 學 小 天 才 。

其 父 親 吳 志 剛 表 示 ， 兒 子 除 了 在 該 比 賽 中 獲 獎 ， 曾 先 後 六 次 在 公 開 比 賽 中 獲 獎 ， 對 數 學 極 有 興 趣 ， 他 現 已 計 算 預 科 課 程 的 微 積 分 。

鎧 希 在 小 一 時 獲 評 定 為 資 優 學 童 ， 吳 家 為 了 讓 他 接 受 更 佳 的 教 育 ， 安 排 他 入 讀 新 加 坡 國 際 學 校 ， 讓 他 練 得 一 口 流 利 的 普 通 話 及 英 語 ， 今 年 向 教 育 局 資 優 教 育 組 查 詢 ， 希 望 能 入 讀 資 優 課 程 ， 惟 遭 局 方 拒 諸 門 外 。

去 年 以 9 歲 之 齡 獲 浸 會 大 學 取 錄 做 大 學 生 的 神 童 沈 詩 鈞 ， 其 父 親 沈 振 雄 表 示 ， 去 年 詩 鈞 無 法 獲 局 方 支 援 時 ， 他 也 感 到 很 沮 喪 ， 他 認 同 香 港 教 育 制 度 容 納 不 到 資 優 童 。

教 育 局 發 言 人 回 應 指 ， 學 生 無 論 是 就 讀 本 地 或 國 際 學 校 ， 均 可 參 加 局 方 提 供 的 資 優 課 程 ， 但 需 由 老 師 推 薦 及 學 校 提 名 。 至 於 吳 鎧 希 個 案 ， 局 方 指 國 際 學 校 的 學 生 常 用 英 語 ， 而 局 方 資 優 課 程 在 語 言 上 未 必 可 適 當 配 合 。 不 過 ， 就 記 者 所 見 ， 吳 鎧 希 能 操 流 利 廣 東 話 及 懂 中 文 。

蘋果日報 2008 sep 12



個標題有兩種解讀：
1. 教育局拒絕向神童提供資優課程，如果唔係新加坡出手，差d浪費天降奇材
2. 幸好香港教育局拒收，神童險遭糟蹋

麥迪文真好野

麥迪文評論副總統候選人佩林。

最初接觸麥迪文就是Jason Bourne 系列，只覺得佢係一個平實鄰家男孩版的James Bond，大幅健身兼接受特種格鬥訓練，又親身做car stunt，手車比得上專業特技人，佩服。

後來在Syriana見到佢，原來又可以做一個熱血金融分析員，希望幫助中東國家自立富強，不由得佩服佢的多元演技。再睇wiki，原來當初佢為左一個雞碎角色，夠膽死將自己餓到差d器官衰竭，敬業精神自愧不如 (敬業真的要搞到自己死下死下嗎？)

睇返上面條片，有幾個香港的celeb 可以講出以上一篇評論呢？注意佢講的不是甚麼新見解，但普通人一聽就明，藝人論政，有時都可以係WMD，殺傷力大過時事評論員多多聲。

Politics for dummies?

如果有一個網站，可以archive 各候選人4年前甚至8年前的政績對比，方便選民了解，認真功德無量。

再如果有一個網站，可以將味如嚼蠟的政綱，化成跟簡明易懂又貼近生活的撮要，加上系統化的tag和伸延閱讀，讓一眾政冷感老中青有需要時可以迅速recap，多好。

既然有openrice，點解唔可以有openpolitics 呢？(又，查實好似係有個獨立媒體做緊類似的事，甚少上，慚愧)

會考都有精讀本，點解時事不可以？香港人一生習慣精讀貼題目，用同一方式陳述政綱，會否事半功倍呢？

好老實講，一般打工仔甚少留意電視新聞，返工無得睇，放工無心機睇，除左的士司機大佬外，好多人公司連收音機都唔俾開。大多數人接觸時事的窗口可能來自朝早一份免費的七點半或大都會，烏下烏下都係睇睇有無令人提神的花邊新聞，未必有腦汁留意「前早餐派反對最高工時」，即使望到，佢可能無follow 開咩叫早餐派，最高工時是利是弊，亦無法在短短百餘字cover得到，6蚊一份彩色報紙可能為包紙巾同風月娛樂版，大家都知不同報紙會講不同的大話，每年71遊行人數某一家報大，另外幾家報細，無邊份信得過。政冷感，並非一朝一夕。

不過，返左公司，大家蛇皇會走去逛下forum 睇下blog (或者youtube)，呢度其實係一個好龐大又未被充份開發的溝通渠道 (2.0 世代我不稱之為宣傳了，宣傳是單向活動，溝通卻可以有comments, tags 及相互 rss feed)

例如，一個3x歲的老闆仔覺得現在的租好L貴，強積金好L厄錢，員工要求最高工資最低工時，佢應該搵邊個？點搵？有事要搵白鴿眼，你信嗎？黑人相信一般人會選擇搵車公耶穌基督釋袈矛尼梵天齊天大聖，自求多福是也。

如果有一個時事的archive，至少該名老闆仔可以了解下各種問題前脈後絡，甚至如果個網的互動性及知名度足夠的話(即係政黨人都會上來發言及索料)，佢可能可以在網站中直接跟政黨接觸。

平台立場可以偏頗 (事實上邊可能完全中立？)，但同樣可以為各黨派提供一個發放資料的渠道，講真泛民亦有害群馬，霸住個位靠抗議靠soundbite 尸位素餐大有人在，兩個黨的地區工作攤出來一比，原來建制黨在某區幫過唔少新移民家庭，同區泛民得個up字，係人係鬼清楚晒。

我知係9up...我明係說易行難，講下嗟，犯法呀？(黃子華語)

算係交到貨

報紙話泛民失利講到好似慘敗咁

但係睇返wiki 當選名單，泛民成績算唔差喎，尤其港島甘乃威無乃撻，余若薇又無事，何秀蘭一吐烏氣當選，初熟女第一陣就擔正當選，6席佔4席，掂晒，唔係諗住射埋大細眼同藐嘴落馬呀？難d喎。

唯一比較失望係陶君行又落選，不過睇佢果區的對手全部大將級人馬，無計。小弟不黯會計人思路，方卓如跑尾二又真係幾慘，下屆唔知仲有無心機玩呢？

其他地區泛民都算交到卷，反而落場直選的老闆黨全數被叮走。

另外民建聯終於有個比較順眼的人物，若干年前見到李慧琼選區議員都覺得佢有得發圍，今次入立會，遲下佢應該會接棒做菜菜子二世。睇返佢d歷史，原來25歲已經做過區議員，25歲果陣黑人做緊乜呢？

成日覺得論壇多餘，純粹係screen走比較騎呢既候選人。至於競選宣傳品亦都無乜參考價值，好多候選人都有做過野，即使係第一次參選都可以話自己參加過饑饉30，問題係無法知道所謂「政績」含金量如何。

政黨如果有資源時間，真係應該搞下政策研究，因為單靠互插抹黑唔玩得幾多屆。黑人估計新一批主力選民會希望見到比較簡單易明又實在的東西，以黑人自己及身邊較年長的朋輩參考，估計唔少3x歲或以下的選民其實唔多留意香港政情，頂籠以「親建制=衰人」作黑白二分。

跟少量網民傾談過，好些不喜歡「搞事」和「為鬧而鬧」的政黨，相反另一邊親泛民的年輕選民就討厭舉手機器橡皮圖章，但係無論建制還是非建制派，背後到底有甚麼政策主張、有甚麼議題就不甚了了。到底候選人相信甚麼，完全不知道，個個都係為基層發聲，發咩聲呢？發完又點呢？感覺就好似封面華麗但內頁馬虎的同人誌漫畫，每年擺完comic world 散左貨就算數。

希望下一屆選舉邊個係人邊個係鬼，可以靠事實客觀判斷啦。

苦差+鬼差

千辛萬苦好似又剷走左隻新毒(剝花生等多幾日就知)。前後兩次中毒，上網搵solution 幾乎清一色都係nod32 敗陣下來、nod 找不到這隻毒或者nod 剷不到毒之類。

似乎Eset 越做越出名，大多數寫病毒的黑客都以擊倒 nod 作為benchmark。

客觀些少講，頭一次中spyware，市面上大多數 anti-virus 都不擅應付這類東西，所以才有anti-spyware 應運而生。至於第二次中毒呢，其實nod 應付得到，但係...in the first place 既然裝了antivirus，點解都會領野呢？

順手wiki一下幾個知名的防毒軟件商名單，以前風光一時的Norton 淪為榜末：速度慢、更新慢、跟其他軟件有衝突、客服差、uninstall後殘留檔案及registry等等。Trend Micro搜毒率最低，McAfee有些常見病毒掃不到...似乎老字號防毒軟件公司都會老化放軟手腳？

榜首新貴卡巴斯基 (kaspersky) 是俄國貨，俄國是核原料和黑客之鄉，應該靠得住(笑)。

公司同事為了慳皮，一律採用免費的AVG 防毒，一般公司上網模式比較單純：大多是check email 查字典上google找圖片，頂多上上msn，似乎夠用。

另，換了心肝脾肺腎的desktop原來個腦中了毒，又要多買一份anti-virus，黑人通常下載古靈精怪東西，都係幫襯普京穩陣d。

************

整晚在公司scan-restart-以為無事-出alert-再scan-再reboot實在太奄悶，落街買左套彭氏兄弟07年的荷里活片「鬼差」(The Messengers)。

認真睇左15分鐘，大橋普通到不得了，老豆老母例牌唔信邪：咁辛苦買左間鬼屋來住，梗係要住到見到鬼先至抵返啦，死都唔搬，有人offer 買入價+15% 都唔制，原來外國人咁鍾意凶宅，大開眼界。

青春期女主角Jess跟父母不和，鬼怪例牌搞佢先，勝在搞完佢向父母告狀都無人理。尚有一個陰陽眼細佬，強項是識見鬼又唔怕黑，眾鬼識英雄重英雄，例牌唔搞佢。

剩餘節情均以2倍速飛來看，不知是否荷里活專蝦新人，搵個庸才做編劇，全片工工整整悶死人，唯一可取係彭氏兄弟傍住班庸才都可以做到日光日白鬧鬼，而且嚇得下人，並不易為。

飾演Jess的女演員 Kristen Stewart 賣相ok討好，靚得來有點神經質，可塑性高能正能邪，希望日後可以遇上好劇本啦！

爛番茄網有一句影評講得極中：呢套片係HSL- Horror as Secondary Language，入門級，十零歲未睇過鬼片的少男少女，可以一看，乘機攬下挨下。

零八年九月初雜記

1. 又中毒，今次連開機都唔得咁濟，宜家全力剷緊，上次中毒唔見左三四日，今個weekend 應該又凍過水

2. 就黎投票，可惜無時間留意，除左唔投大細眼同唔投藐嘴之外，唔知投邊個好。最初我覺得熟女團隊果個初熟團長唔錯既，keep得好又只係大我幾年，而且佢地個黨一向識present，點知睇完佢地今屆條promo，嚇到我連volume都唔敢開，望左幾個scene就關左。反而大細眼個黨條廣告做得幾好喎，四平八穩放在一堆甩皮甩骨裡比較，就顯得高章了

3. 用消去法，應該都唔會投老闆黨，至今佢地都未有野入我屋，不過就算有都唔會投，大家慳得一蚊得一蚊，好事

4. 白鴿眼太老，主要老在思維方面。連佢地自己都對個新人無信心，新banner改左做瑤柱撐羊心連任，新人今舖真乃西

5. 光頭教師、怪醫、四眼中女同埋動物，我應該唔會投動物，動物最叻係遊街示威舞龍舞獅，入左蠟會佢無得咁玩，而且唔覺得佢可以做到正經野。四眼中女被傳一向係尸位素餐，未查証過。光頭老師一直出唔到頭，背後有好多辛酸史，fine，入左去你想做乜？睇佢d宣傳品只見到一個憤怒中年，部署似乎麻麻，下屆先啦。至於怪醫小弟都不熟佢係人定係鬼，wiki一下先

6. Why So SERiOUS? 梁文道早幾日在明報的社論講中晒小弟的心聲：a.) 宜家個困局連特首都擺唔平，選你班蛋散入去立會作用不大。b.) 阿爺有組別功能，built in，剷都剷唔走，又食ram。c.) 真正的權力核心是大財團和地產商，佢地不用經普選洗禮就可以連任，有幾個係姓李的，其他似乎分得幾散下

7. 遲下經濟再轉差，應該會來一次二百萬人大遊行倒曾，但係倒董倒曾倒屎倒尿都唔會改到乜，因為倒唔到地產商大財團

8. 就算明知無乜大作為，都要投票。無謂讓媒體上有太多air-time 俾建制派的馬屁精廢up，我寧願聽「反對派」鬧下政府，純粹聽完條氣順d

9. 最近見到「活色生香」的新包裝廣告，進步左d喎！真係的起心肝走去抄日本仔，唔再玩bad taste 低手惡趣。

耐唔耐有d 奇怪entry 係search 活色生香而走入來小弟個blog，唔知當中有無佢地的marketing staff呢？我諗佢地下一步應該做online marketing，先要執靚自己d keywords，至少人地search 活色生香時會先見到佢地，而不是小弟n年前插爆佢地的文章。其次係在forum/yahoo知識等地方自問自答宣傳自己(不要俾人察覺，發現左會籮爆)，仲有搞一些online 的campaign，價錢應該平過搞TVC或傳統print ad，效力亦更大。如果看倌真的是活色生香的員工或老細，得閒去網上廣告達人涼伯處取經吧！(幫襯佢地都可以，但小弟無收佣亦唔識佢)

10. 點解會覺得有活色生香的人睇過呢度？因為之前寫anyidea，上google 搵有關資訊，第一個彈出來的不是anyidea，而係小弟果篇「設計已死」。後來有關方面真係有回應過小弟 (估計佢地都落力做左唔少SEO等自己個網排名高返d)。而不幸地，佢地目前逐漸被小弟的預言批中，價錢越做越平，越來越少單，較有水準的高手都離開了。

11. 今年年底comic world 同rainbow gala 互撼，故意在前後兩日一齊擺展，苦了一眾同人組織，又要俾貴租，又無咁多時間精力連踩兩個event。Rainbow的存在是好的，逼comic world進步，今期comic world想逼到rainbow 收皮，損人利己，無晒風度分，對大圍環境都不利 (同人圈有幾多錢賺呀？大家係上市公司就話嗟！)

12. 公司樓下開左間韓國人私人會所 (聞說韓佬的私人會所 = 雞竇)，有時做到半夜3,4 點都聽到佢地唱k，都係好事，至少知道自己不是大廈內的第二生還者 (第一生還者是看更阿伯)。

13. 半夜在銅鑼灣大街搵地方醫肚，有時都幾感慨，點解成街都係香車美人夜夜笙歌，而小弟就做到有今生無來世為乜？

14. 呢排挨到好殘，就黎可以代表港隊參加殘奧

Batman亦有知心友

除左讚Heath Ledger 演技好之外，好似無乜人提過小丑跟batman亦敵亦友的關係。

話說batman有個數佬伙記想揭老細底牌，向摩根費曼跳草裙舞不遂，鬧到上電視台，當時batman確實離死期不遠矣 (見光死是也)，因為batman可以著草，但背後的Wayne Enterprise無得走，如果資產被法院凍結，無錢的batman 會如何呢？

Bruce Wayne係知名公眾人物，身份曝光後要藏身就極難。所以，如果小丑要殺batman，只須唔出聲剝花生等睇戲，望住batman被警方塔走，基本上已經可以出credits roll 散場，然後等拍下集 Joker The Demonic Knight。

小丑當時作出一個影響佢一生的重大決定：打去電視台邀請全城觀眾參與齊殺數佬有獎遊戲，當所有觀眾落手落腳想造低數佬贏巨獎時，再無人關心到底batman係邊個。

小丑知否batman真正身份？當然知，被拷問時佢講左一句：「最初我都以為Harvey Dent係batman，你知啦，你地兩個都咁鍾意Rachel。」

記得以前有個連環變態殺手，間中會專登留d 線索俾警方，甚至會自己報警、寫字條希望有人見到然後阻止佢，但同時又會拼命逃走。如果小丑要殺batman 稱霸高咸市，基本上佢大把機會，除左揭batman底牌，Bruce Wayne 行蹤其實不難追查(大把狗仔隊幫你手捕佢)，要落毒放炸彈都唔難。偏偏每次快將得手時就讓個位俾batman發圍，會唔會係同一心態呢？

流行曲

係三十年前...宜家咁多紮唔起的新人，隨便搵個7沽碌翻唱，玩懷舊，出多幾首已經可以從一段無面孔的新人中脫穎而出。

又或者，玩唔起咁大風險，可以由唱片公司出一個compilation，由旗下一堆紅唔起或沉左的藝人齊翻唱，集腋成裘出一隻概念碟，最好係5x 年至 7x年的歌，勝在夠質樸，唔駛玩咁多唱歌技巧(呢首巨星一般人唱應該唔會走音)，有實力的唱正經歌，無實力的揀些騎呢歌惡搞，唔知有無唱片公司夠膽做呢？


李龍基 - 巨星 1978

飄過白雲天際
頓然不覺往事消逝
腳下咫尺片地
所見世事瞬息紛爭

高處白雲深處
遠離束縛了無牽制傲然萬世上
升起緊守方向
不怕世事變幻無常

難道世上是那樣獨有愁沒有歡暢
留下你 留下我埋盡了無限的悲傷

一旦衝破障礙遠離風雨際
不管艱難
誓要堅決立志莫回頭

衝破萬重黑暗
遠離風雨 脫離污穢傲然萬世上
升起堅守方向
不怕世事變幻無常