星期六, 10月 10, 2009

再談氛圍



留意1:20 果位年輕人的說話,點解話香港創意陸沉?唔係一廂情願的悲觀,對比香港及上海人從電視接觸到的資訊,眼界真係好大分別。

(話時話,蕭若元非常醒,城市論壇d時間通常好tight,佢知唔夠時間講野,事先安插一個手下做觀眾,補充自己想講的資料。)

氛圍一池死水,唔係創作人「做好自己」就解決到,因為呢班眼光狹隘的香港人係你同事、上司、負責in你果位HR、你個客,甚至你個客的客戶。

無論你幾creative,呢班人根本無相對應的眼界去欣賞,點解當初波叔出城(Borat)可以橫掃歐美票房,在香港只得百老匯電影中心播三幾日?直至波叔proven賣得,波兒出城先至「有幸」登上主流院線?絕非偶然一兩個發行商唔識做生意咁簡單。

最近讀Jon Steel "The Prefect Pitch",最感興趣係其他觸類旁通的資料,Jon Steel 指一個偉大意念的誕生,往往取決於四周的氛圍,例如發現DNA結構的科學家,諾貝爾得獎人James Watson著作其中一段如此講述:

Here I relate my version of how the structure of DNA was discoered. In doing so I have tried to catch the atmosphere of the early postwar years in England, where most of the important events occurred. As I hope this book will show, science seldom proceeds in the straightforward logical manner imagined by outsiders. Instead, its steps forward (and sometimes backward) are often very human events in which personalities and cultural traditios play major roles. (p88)

有時舉目望望香港的雜誌、廣告、電影、劇集,來來去去幾度板斧,再望下香港學校教緊d乜,大家最流行的話題係乜,it is almost a certainty this city will be flooded with unimaginative morons.

舉個例,睇下最新 minute maid廣告,覺唔覺四圍太多陳奕信?男士雜誌、香港旅發局、電子產品、麥當當再加埋卡拉ok廣告,我真係好奇除左陳奕信之外其他人係咪死晒。再諗深一層,點解一定要用celeb endorsement,同埋點解陳奕信來來去去都係差唔多的表情?

再睇下d間字,點解咁熟口熟面,同維他檸檬茶新包裝咁似?係客戶保守、唔夠時間定係d designer無料?點解咁多方法去表示新鮮水果的感覺,但永遠都係用最懶的成排提子大曬冷呢?我記憶中任何同提子有關的產品幾乎都用差不多的構圖。

有無諗過,香港人九成都無去過提子園,畫咁多超大粒的綠色波波對我地黎講其實同去左波波池無乜分別?反而,日本仔畫一粒提子的橫切面,有少少汁滴出來,我會覺得好甜好新鮮。




********

8 則留言:

塞米一條揚陸轟炸機 說...

當身邊的人說你曲高和寡的時候,其實已經等於跟你說你講果d野我地無興趣知/識/睇/聽,當大家都樂於在旁觀者角度冷眼看他們不認識的事物,甚至還覺得這些都不是必要去接觸的事情所以就大條道理卻步時,這種意識形態其實很叫人鬱悶+無奈。

為甚麼做一件事情一定要有個可以用肉眼看得見的理由才推得動人家去做呢?為甚麼要覺得有件事有確切必要做才去做呢?

別再跟我說因為生活艱難了,這種藉口我聽不入耳。

黑人 說...

曲高和寡是另一個問題
人人口味不同

可是,當香港的觀眾眼界普遍比上海的觀眾窄小的時候,就代表整個城市的人都出了事

C.M. 說...

>>Jon Steel 指一個偉大意念的誕生,往往取決於四周的氛圍

呢個係我最近睇左某Darwin特輯先體會到,Wallace不約而同地泛起物種進化的見解。

黑人 說...

> CM

講得無錯
所以宜家都認真地諗緊應該去邊度發展

講創新,big ideas,應該去的地方有三類
大路的想法是北京上海之類
過時的想法是東京紐約
另類見解是泰國或台灣

阿甲 說...

有個現象幾得意,普遍伊朗人都非常保守,無論係政府也好,傳統宗教價值觀也好,都令藝術界有「好多野唔拍得」既壓力。但最後佢地都係照拍,最多淨係響外國上映,有時候班演員明知會俾人落格殺令都唔怕,至少唔會話因為怕賣唔到錢或者班觀眾唔鍾意或者乜野搵唔到老闆贊助就「被迫」拍垃圾。

黑人 說...

> 阿甲

香港個情況有少少怪
其實又唔算禁制得好嚴重
不過係創作果邊已經無左犯禁既動力
以我自己同人誌經驗來講
觀眾亦只係希望見到熟口熟面既野

selina 說...

"觀眾亦只係希望見到熟口熟面既野"..真係?? 定係個批傳媒人/廣告人以為咋? 查實,呢類廣告,我唔會抬頭望,睇完亦冇印象..我都覺好多廣告(平面/電子)好悶,好似停留在八/九十年代咁,食緊一D冇人仲覺得入流既老本咁,但明明火炭區有班好有創意的藝術系大學生(純粹外行人角度,睇過一次開放日,覺得幾interesting),點解兩邊過唔到電/融薈, 藝術人才走唔到個邊做下攪作呢..

匿名 說...

"大家都樂於在旁觀者角度冷眼看他們不認識的事物,甚至還覺得這些都不是必要去接觸的事情所以就大條道理卻步時" - this is HK now, agree.