星期三, 4月 30, 2008

攝位寫野

一程車睇完「四代香港人」,雖則30蚊平過一碗四送車仔麵,依然呻笨。

可能係側田之前summarize得太好,所以即使黑人未睇,都已經知到大約六七成內容,自己篇第四代黑人9up一番都扑中八成。佢個書名,換為「四代香港人:第二代香港人懺悔錄」會比較貼切。

呂大樂坦言第二代人愛指點江山扮全世界代表,中point,如現實許可,呢本書佢應該搵人co-write,因為第三代及打後都十分含糊,幾乎全部都係佢以第二代人的視點看世界。

「早上3小時完成一天工作」,福田忠昭著,好書。

早餐加一程車睇左八十幾頁,如果閣下未睇過Steven Covey 的7 habits of highly effective people 又怕雞腸,可以選擇呢本,講的東西用詞字不同,但原則相近。當然Covey 的著作比較全面,黑人會選7 habits 為「十大改變一生的書」其中一本,不要期望睇完就識變身,改變係持續而細微的過程。睇完,就會知道自己浪費左幾多時間。

「潮爆中國」睇左幾十頁,都係好野。

想了解中國國情,不一定要去政治經濟那個書架埋手。睇呢本都可以,而且最適合治療「大香港」心理病,黑人為病患之一,睇完舒服好多。

排版水平頗高,全彩,feature的照片有不少大師之作,如講述內地爛尾樓一文,就有幾張「又一山人」的照片,可能熟人拍膊頭個royalty deal 到好平,否則都唔知佢點維皮 (仲有好死多張相喎,全部都係自己影?),天窗出版d書本本都咁重皮,真係驚佢突然結業。

洩洪完畢,繼續工作。

7 則留言:

塞米一條揚陸轟炸機 說...

洩洪呢個term.......呃......唔.........

SZE 說...

我都在商務見到呢本書,有過一時三刻都想買黎睇,但三十蚊...喂本書好薄架喎!頓時生起了打書針的念頭....

聽你咁講好似本書唔太好,不過我喜歡說第四代的第一句....

宇宙人 說...

爛尾樓牙~
真係切身體會
我老家都因為咁奔波左四五年都未搞掂

Carole 說...

我啱啱今日都見到人睇潮x中國

黑人 說...

> 塞米
有乜問題?

> sze
本書係好的,但係我已經睇過唔少好的blog友文章幫佢補完,再睇原著咪呻笨囉

> 宇宙人

好慘...是廣州嗎?書中提及廣州特別多

> carole

買本來睇下,幾update的,講到07年喎

Carole 說...

買書呢
我.......好mean嫁

黑人 說...

> carole

過幾個月應該可以借到掛 @_@