星期日, 4月 20, 2008

天國地獄 heavenly hell

從Chris 處見到兩篇關於天國地獄的文章,值得一看。
(上)
(下)

黑人好耐之前都有諗過到底天國係點。問題係點諗都覺得悶,例如耶教的天國日日唱聖詩「賺眉豬!賺眉豬!」「太好了,「每日都可以親近神啦」,接近左又點?玩手指乎?

回教個天堂比較適合黑人胃口,有大堆俊男美(處)女美酒佳餚。

不過,日對夜對都悶啦!而且黑人都幾怕處女。

記得以前在OpenYale 旁聽心理課,個prof講左一個幾重要的concept:人會對不斷重覆的事物漸漸麻木,以便識別各種突變和差異。換言之呢種「對得多都悶」的感覺,係幫助人類學習和適應環境的機制。

所以黑人認為,上天堂要「唔悶」,最大可能就係將呢個機制剔除, 咁樣人就會變得好易滿足:每次飲汽水都好似第一次飲咁正。換一個角度,小小懲罰都變得如無間地獄。

咁樣又帶來另一個問題,如果每一刻都好似電腦 reboot咁唔記得之前做過乜,上天堂又有甚麼意義?

如果人生無左「老病死」,無意義又有乜所謂?

7 則留言:

SZE 說...

點解你怕處女呢又?

黑人 說...

>sze

又血,又痛,又無技巧,又多心理障礙
做完仲要負最大責任
(第一次俾左你,要負責任)
日後隨時拿返出黎揪秤
諗起都怕怕

orange 說...

唔怪得有d香港人返工返得好地地,無端白事都要轉工啦。原來係對得多會悶。*grin*

如果無左「老病死」,當活到某一日起身,突然失去哂求知慾果陣,咁「生」都唔知為左乜囉。

黑人 說...

> orange

所以認真諗下,無論邊個宗教都好
天堂個concept 其實有好大問題

(話唔定係d 老細對得d 伙記太耐,覺得悶想換呢)

ah-yun 說...

天堂與地獄真正是怎樣﹐沒人知。那些concept都是人想出來的。當然﹐或許根本就沒有。我最近看了本書﹐叫"The Great Divorce" by C.S. Lewis。是講天堂與地獄的。很不錯。我正想著post some excerpts。

又﹐咁你又唔洗對處女咁怕怕既。會否人都對那詞有點錯覺呢。

L L 說...

死咗,我倩願再做過人,酒色財氣,悲歡離合,清風朗月,盛衰興亡,幾過癮!

黑人 說...

> 雲妹子

對呀,有人說天堂和地獄一直也沒來,可能每一刻已在身邊發生。

> laulong

好難講,睇下做咩人啦
大家都知,人係一個十分大的變數