星期五, 5月 23, 2008

直銷迷魂記 (一)

如果閣下是黑人朋友,近幾日會發現黑人成日都好唔得閒。

實情是:黑人「加盟」左銅鑼灣某直銷集團。

Long story short,寫得呢篇野,大家可以放心,小弟不會call 閣下「一齊發展一盤生意」,揚得出來就代表不玩了。

***** 講故事分割線 *****

話說黑人工餘習慣留連機舖,遇上一位頗合拍的西裝友,大家玩高達打法相似,打多幾次,自然談得投契。


談到大家的工作,西裝友居然直認在xx思做直銷,正規經營,候爵。帶著一team 人混得不錯,而且講到自己月入甚豐,2x歲已經可以在港島買一棟中價樓盤置業。因為黑人之前有若干負面經驗,對比下,此君的身家不似裝出來,也表示從不強迫加盟。西裝友再講到自己在國內實貨的生意不俗(數碼皇冠一直強調吸納下線,跟賣貨無關)

又再隔一排,西裝友約黑人打機,事忙推卻,西裝友隨口問:「我大陸盤生意搞到幾大了,你有興趣幫手嗎?有的話我問問上司,問準之後大家約出來傾下啦。」

黑人對於數碼皇冠的手法和臭史其實都有一定的認識,基本上係擺明上去自願受騙,看看佢地有乜新花款...

(未完待續)

8 則留言:

ah-yun 說...

估唔到你也會中招。

期待你如果被迷魂法。

@_@

凱恩 說...

其實都無所謂既,咪當去練口才、識多兩個人囉。有時都覺得直銷中心係幾奇怪既地方:裡面乜鬼人都有,二世祖、窮書生、有人鴻圖大志打算入去撈一大筆,亦有懞盛盛既迷途小羊。我聽過唔算多亦唔算少既人入過去炒飯,炒出黎碟飯次次都唔同味。

期待你今次碟飯係咩味。

說...

係咪每個人一世起碼都有一次俾傳銷呃既經驗先得既呢?

我咁講得,梗係join過啦,嗰時俾左成三千銀去上丄一次堂,就係想睇吓點解啲人會咁瘋狂

最後明白左咩叫洗腦

同埋,呢個世界真係好多蠢人注定俾人呃

桃紅三點式 說...

你宜家係咪好得閒呢?好心你唔好鬼去啦。

匿名 說...

睇左你個BLOG都有一段時間,
但係估唔到你都會"賴"野......

y2kbug 說...

你係唔係係世_打機見那西裝友呢?
我都有同樣經歷,不過之前玩過,唔玩了

匿名 說...

做人要分清楚!既然你地讲到甘,香港系法治之区!你地所讲噶公司应该早就应该俾香港政府查封先系啊!点解又会到今事今日都要存在啊??????

Peter ^o^ 說...

>>你地所讲噶公司应该早就应该俾香港政府查封先系啊!点解又会到今事今日都要存在啊??????

香港玩金字塔層捱式傳銷是犯法的,最多可坐10年,但有些無良商人利用法律漏動...

eg. 買斷貨品銷售權,然後自行定價。。。特別高,聲稱比別牌子好....
基本上用上騙人天價也不會香港被告成。。。

但在台灣、內地、澳門,或者外國。。。是會被捉的。。。

香港關於金字塔層捱式傳銷的法律,也差不多是時候要更新一下,始終還是有些漏動~