17歲中學時代，某夜黑人跟暗戀的校花傾電話，當時校花柔情婉轉(聽語氣斷估)話：「我理想對像呀？我覺得25歲既男仔夠成熟...(下略)」
25歲時，一次上空姐朋友屋企吹水，唔知講緊乜，空姐當時答：「氣！男人梗係30歲先至係黃金時期啦！」(憑佢的說話斷估，黑人大概呻緊無女)
好，30歲，點知身邊的女仔一個二個痴埋d 四十幾歲的男人，今次黑人心諗：哼！再等我10年...
經過多年推敲，關鍵在於空姐朋友所講的黃金時期，黑人集中注意力在「時期」，正確的答案是「黃金」。沒有黃金，自然就沒有黃金時期，顯淺之至，對不？(it took me more than a decade to figure this out)
身邊不乏有心人打氣：你點可以咁諗架！好多女仔其實都唔貪錢，你睇下唔少女仔d男友事業上都係蛋散豆泥，所以你一定得既！(到底係鼓勵還是曲線話緊黑人係蛋散呢？)
總括得米的男人，如果唔係有錢，就係有其他條件。
到底其他條件係咩呢？總括十多年的經驗，總之就係黑人無的東西啦！
查實，我係一點幾撻落床，天光都未訓到，所以先寫埋d無聊野...
快d俾我訓啦 @_@
星期日, 11月 30, 2008
and the winner is...
近幾日越來越感受到無notebook 的不方便，以前有事要出勤，完事後可以隨便坐低繼續工作，現在必定要乖乖地搭車回到desktop跟前。
星期四終於忍不住，閃電式作個了斷。
所謂閃電式，仍然係心大心細，十五十六，陣間要出發了到底買邊隻好呀之類。
小弟屬木，阿木對阿木，首選是竹子機殼的Asus Bamboo U6V，點知打去華碩香港代理原來現正接受預訂，幾時有貨都未知，out。
始終接受唔到keyboard 中間暖暖眛眛有粒紅色野，不再考慮Thinkpad x200，out。
再查下有無類似性能的電腦，有兩部，都係華碩出品，第一部名叫Lamborghini VX3的豪華機，雜誌標價26xxx，格價網顯示萬五都有交易。不過由機殼到startup screen 都有跑車個logo，第一時間想起The Dark Knight 入面管家Alford 果一句："...The Lamborghini then, much more subtle." 為免日後在外開壇時惹人白目，作罷，out。
另一部Asus U6SG，性能一樣好而且非常輕，但係睇台灣的測試報告發覺電量--亦即所謂的續航力相當麻麻，3 cell 電池播放DVD不夠一小時就玩完，6 cell 估計是一倍左右，換言之日後依然要帶火牛出去，計返條數無輕過，而且某些外勤場合非常不方便。
最後決賽得返兩位參賽者，macbook 13.3"同埋Lenovo G230，兩者性能相近，價格相差一倍。
買平價機大可以放心粗用，而且慳返果6k 好好駛的啊...
最後老頂講左個非常好的guideline：你部腦有咁多公司野，唔可以隨便死。性能點都無所謂，總之可以繼續順暢工作就ok，唔好諗兩年之後點，你當初夠諗住同部dell過人世啦，宜家呢？
黑人以前部ibook都幾穩定，試過錯手未sleep機放入電腦袋搞到燒左，維修服務都相當有效率。而且Lenovo保養一年，apple care有三年，點計都係後者好d。
於是，又再重返mac大家庭了 *o*
另，最初擔心唔識裝windows，原來跟機已經有BootCamp (boot機用，windows須另購)，操作相當簡易，試行vista 暫時都無乜問題，係個每事問security 煩左少少。
星期四終於忍不住，閃電式作個了斷。
所謂閃電式，仍然係心大心細，十五十六，陣間要出發了到底買邊隻好呀之類。
小弟屬木，阿木對阿木，首選是竹子機殼的Asus Bamboo U6V，點知打去華碩香港代理原來現正接受預訂，幾時有貨都未知，out。
始終接受唔到keyboard 中間暖暖眛眛有粒紅色野，不再考慮Thinkpad x200，out。
再查下有無類似性能的電腦，有兩部，都係華碩出品，第一部名叫Lamborghini VX3的豪華機，雜誌標價26xxx，格價網顯示萬五都有交易。不過由機殼到startup screen 都有跑車個logo，第一時間想起The Dark Knight 入面管家Alford 果一句："...The Lamborghini then, much more subtle." 為免日後在外開壇時惹人白目，作罷，out。
另一部Asus U6SG，性能一樣好而且非常輕，但係睇台灣的測試報告發覺電量--亦即所謂的續航力相當麻麻，3 cell 電池播放DVD不夠一小時就玩完，6 cell 估計是一倍左右，換言之日後依然要帶火牛出去，計返條數無輕過，而且某些外勤場合非常不方便。
最後決賽得返兩位參賽者，macbook 13.3"同埋Lenovo G230，兩者性能相近，價格相差一倍。
買平價機大可以放心粗用，而且慳返果6k 好好駛的啊...
最後老頂講左個非常好的guideline：你部腦有咁多公司野，唔可以隨便死。性能點都無所謂，總之可以繼續順暢工作就ok，唔好諗兩年之後點，你當初夠諗住同部dell過人世啦，宜家呢？
黑人以前部ibook都幾穩定，試過錯手未sleep機放入電腦袋搞到燒左，維修服務都相當有效率。而且Lenovo保養一年，apple care有三年，點計都係後者好d。
於是，又再重返mac大家庭了 *o*
另，最初擔心唔識裝windows，原來跟機已經有BootCamp (boot機用，windows須另購)，操作相當簡易，試行vista 暫時都無乜問題，係個每事問security 煩左少少。
星期二, 11月 25, 2008
揀notebook
第一次買dell inspiron 700 感覺幾ok 既，部機3年前買到現在讓左俾朋友都行得好地地，朋友仲要唔生性掉過煙灰跌過又淋過水，居然都無事。所以我第二部notebook 都係揀dell
但係呢部dell inspiron 1520 真係好Q重，先後兩次燒野，一次燒散熱系統，另一次燒 display card，公事唔敢再信佢，唯有買第三部。
買新的notebook 最大concern 係佢必須附合adobe CS 4 的system requirements，即係至少2G cpu 同埋GMA 500 或以上的display，2G ram 或以上。
重量最好在2kg 或樓下，HD可以用外置所以容量不是大問題
mon 的大小不重要，因為在公司時可以駁LCD display，拿出去見客，較細的mon會令老花的客戶減少望個mon，專注d傾野，present 作品時有瑕疵都唔會望得咁仔細 (笑)
好耐無睇電腦硬件資訊，臨陣磨槍左揀右揀，睇中幾部
1. Lenovo G230，性能好，價錢平，但重量有少少over
2. Lenovo ThinkPad x200，輕身性能佳，輪到價錢有少少over
3. Lenovo IdeaPad U330，性能價錢俱佳
4. Asus Bamboo U6V，萬三銀貴左少少，但性能一流，輕身，賣點係個殼用竹做
5. MacBook 13.3"，價錢稍貴但用料上乘，唯一擔心係唔識裝返個 windows
突然想起...好似頭四位都係華人產品喎。講真dell實質上亦已等於國產貨，至於mac 機裝嵌是否同樣在內地進行就不得而知，講穩定，第一印象覺得mac 好似掂d，其次係華碩，未接觸過 Lenovo 產品，所以無法比較。
趕起d 吊頸deadline之後就要抽時間去實地考察一下，有無朋友接觸過上述的品牌或者用緊以上型號？
但係呢部dell inspiron 1520 真係好Q重，先後兩次燒野，一次燒散熱系統，另一次燒 display card，公事唔敢再信佢，唯有買第三部。
買新的notebook 最大concern 係佢必須附合adobe CS 4 的system requirements，即係至少2G cpu 同埋GMA 500 或以上的display，2G ram 或以上。
重量最好在2kg 或樓下，HD可以用外置所以容量不是大問題
mon 的大小不重要，因為在公司時可以駁LCD display，拿出去見客，較細的mon會令老花的客戶減少望個mon，專注d傾野，present 作品時有瑕疵都唔會望得咁仔細 (笑)
好耐無睇電腦硬件資訊，臨陣磨槍左揀右揀，睇中幾部
1. Lenovo G230，性能好，價錢平，但重量有少少over
2. Lenovo ThinkPad x200，輕身性能佳，輪到價錢有少少over
3. Lenovo IdeaPad U330，性能價錢俱佳
4. Asus Bamboo U6V，萬三銀貴左少少，但性能一流，輕身，賣點係個殼用竹做
5. MacBook 13.3"，價錢稍貴但用料上乘，唯一擔心係唔識裝返個 windows
突然想起...好似頭四位都係華人產品喎。講真dell實質上亦已等於國產貨，至於mac 機裝嵌是否同樣在內地進行就不得而知，講穩定，第一印象覺得mac 好似掂d，其次係華碩，未接觸過 Lenovo 產品，所以無法比較。
趕起d 吊頸deadline之後就要抽時間去實地考察一下，有無朋友接觸過上述的品牌或者用緊以上型號？
星期日, 11月 23, 2008
Red alert 3
等了7年之久，electronic arts 終於又有新作。對比起 Blizzard 公司的3D 動畫，EA一向沿用真人演出交待劇情，曾經有不少出名的甘草都參與演出如皇者之劍的蛇皇 James Earl Jones。今集陣容更加鼎盛，認得的有star trek 第一代的黃臉孔George Takei、Congo 入面的Tim Curry 、性感中女Kelly Hu、prison break 入面的意大利頭子 Peter Stormare、wish master 入面飾演邪惡燈神的Andrew Divoff、Spiderman 的報館總編JK Simmons、Ronin 入面的特務頭子Jonathan Pryce、American got talent 的評判David Hasselhoff (還有一大揪認得但唔知邊度見過的演員同埋有職業格鬥家以及運動員)，總之budget 比上集高得多。
始終遊戲的過場短片無法跟一套電影相比，大多數都係演員+少少真場景再加大量cgi 搭救，所以d 演員都hea hea 地，例如飾演日本天皇的George Takei 有一幕在寫字，一睇就知支毛筆無墨，同埋睇佢執筆就知天皇係唔識字的。
JK Simmons 飾演冷戰年代的美國總統非常入型入格，擺到明係誇張，反而襯晒RA 系列的風格。遊戲進行時無論你選擇盟軍、蘇共抑或皇軍，一律有美女通訊員匯報戰場狀況，蘇共出波霸，盟軍有腿后，鍾意熟女的話皇軍都有照應，中晒全球電車男的死穴。
RA 即時策略系列複雜程度都算數一數二，極之講求各兵種的生剋配搭。三大勢力均有自己一套打法，例如蘇聯以重裝甲重火力見長，盟軍則擅長空軍轟炸 hit & run，皇軍的戰法屬一鼓作氣衝鋒形。今集不能像舊式遊戲般大量生產一款「終極兵器」就完事，即使巨型航母都需要防空火力掩護，同時需要巡洋艦護航應付近距離的敵人。以為人海戰術必勝嗎？RA 系列的步兵會被敵方車輛輾死，即使訓練50個大兵都可能被一輛小坦克輾平，但坦克車的大炮打人又不太有效，新手要適應各種限制有時都幾overwhelming。
今年正值大選年，RA3 的宣傳都不乏政治意味，故事入面的美國總統President Ackerman 對蘇共採取超強硬立場，其競選短片搞笑得黎又暗捧緊黑人總統喎！
以遊戲計，RA3 屬高水準作品，但係當中的政治意識能否在大陸市場通行呢？因為有一條timeline 係日本皇軍征服全球喎，任何身體力行的愛國糞青見到肯定抗議，故事完全無提過中國，唔知下一集唔會搵來玩？至今就未見過俄羅斯抗議遊戲醜化蘇共，日本都好似無乜問題，搵中國來玩肯定麻煩多多，始終一個民族自尊未成熟的國家，多講多錯，不講不錯...
黑人最喜歡是今集的主題曲，似足蘇共年代紅軍進行曲，遊戲選單的背景專登模仿蘇共年代宣傳品的futurism 風格，襯起來認真一絕！
星期六, 11月 22, 2008
黑
今個周末 (nov 22-23)Lenovo 開倉，產品低至3折，桌上電腦低至19xx起，太古坊林肯大廈6樓。
咪衝去入貨住，探子黑人回報，好多野查實只係平少少，除非閣下係thinkpad 死忠，否則lenovo 系列的電腦 (至少陳列出來果d)只屬普通。
幸好主要的artwork files 一早都放晒在portable HD，所以損失不算慘重，但係大量email 來唔切backup，所以都要死死地氣俾錢整機。
之但係，整完之後都會買過部新野，連壞兩次的notebook 穩定性十分成問題。
難題又來了，今次買乜新機好呢？有朋友建議黑人轉投Mac 懷抱，自己就想買一部輕身高性能的電腦(一字曰貴)，或者買一部輕身低性能的cheap腦 (2年後必死)，一時間十五十六，太耐無接觸notebook資訊，又鬼死咁多deadline 殺埋身，煩。
*************
又數下數下，每年冬天好似都不太愉快，大大前年抑鬱症，前年分手，上年超忙兼屋企多訪客被逼離家出走晚晚訓office，今年接連壞腦，發生咩事？
咪衝去入貨住，探子黑人回報，好多野查實只係平少少，除非閣下係thinkpad 死忠，否則lenovo 系列的電腦 (至少陳列出來果d)只屬普通。
幸好主要的artwork files 一早都放晒在portable HD，所以損失不算慘重，但係大量email 來唔切backup，所以都要死死地氣俾錢整機。
之但係，整完之後都會買過部新野，連壞兩次的notebook 穩定性十分成問題。
難題又來了，今次買乜新機好呢？有朋友建議黑人轉投Mac 懷抱，自己就想買一部輕身高性能的電腦(一字曰貴)，或者買一部輕身低性能的cheap腦 (2年後必死)，一時間十五十六，太耐無接觸notebook資訊，又鬼死咁多deadline 殺埋身，煩。
*************
又數下數下，每年冬天好似都不太愉快，大大前年抑鬱症，前年分手，上年超忙兼屋企多訪客被逼離家出走晚晚訓office，今年接連壞腦，發生咩事？
星期四, 11月 20, 2008
Notice
notebook break down second time in a row, see u guys in a few days.
Call me if you need to contact me, thanks.
******
問朋友班返自己部desktop 救急，可以上返網，個人定少少
點知google chrome 突然上唔到網(小事)
illustrator 開唔到任何file (大鑊)
整返部notebook要兩千銀(我覺得維修黑店見我急，亂Q咁報價)再加三日工作時間無情講，買過部新的細機都係3千...但係要花成日裝過晒d software 同fonts，幾個客都問我星期一有無貨交 (又唔準我講無貨，was that a question?)
即使我唔駛做野，正常估計買新機又好，整舊機都好，至少都要兩三日
人力無法解釋的不幸狀況，廣東話有一個字去形容：黑
Call me if you need to contact me, thanks.
******
問朋友班返自己部desktop 救急，可以上返網，個人定少少
點知google chrome 突然上唔到網(小事)
illustrator 開唔到任何file (大鑊)
整返部notebook要兩千銀(我覺得維修黑店見我急，亂Q咁報價)再加三日工作時間無情講，買過部新的細機都係3千...但係要花成日裝過晒d software 同fonts，幾個客都問我星期一有無貨交 (又唔準我講無貨，was that a question?)
即使我唔駛做野，正常估計買新機又好，整舊機都好，至少都要兩三日
人力無法解釋的不幸狀況，廣東話有一個字去形容：黑
星期三, 11月 19, 2008
憤怒設計中年對談錄
某日，通完頂烏sir sir，來電顯示見到一個陌生的號碼。
「喂，我係K，你有無時間出來食個lunch？」
粗粗地計K是新生代設計低調名人之一，難得佢打來約食飯，當然lur飯應，事後更加要將其姓名隱去，讓我等小薯仔曖曖昧昧地沾下光。
年近歲晚冷冷清清淒淒慘慘戚戚，黑人其實比較想問K有無設計界的(單身)美女介紹，過返個溫暖甚至火熱的平安夜，退而求其次，分享下佢早年的界女心經都好，可惜話題依然好正經咁講返香港設計界的東西。
一輪咀，先數Inno Centre 幾咁唔掂、設計界的建制組織私相授授、某設計會社後知後覺又蠢等等，很自然地，數數下就鬧香港政府的創意政策唔掂。例如創作人在倫敦Tate Modern擺到展覽就代表得到殿典級的認可，相反在香港Inno Centre就等於撈唔掂：因為左手邊畫緊graffiti果位人兄實為某土炮學店的not-so-fresh-grad，右手邊係不知名山寨設計公司，一般珍惜羽毛的創作人大多會恥於為伍，本來想推動創意的德政，變成生人勿近的湘西趕屍。
K 指摘當局官員無vision 無膽，正確，但黑人認為香港地的技術官僚其實不是敵人，官僚們純粹機械式地按本子辦事，並非刻意留難。要從千頭萬緒挑一個萬惡之源，太難，太多事互為因果。
眼見K 雅興所致，有少少狂貓上身，當時我反問，如果讓你渣旗話事，你會否做得更好呢？
K呆了一下，我再補充：即使Inno Centre渣旗的人有vision都好，如果來應徵的創作人都是蛋散，最終整個創意中心依然充斥著一班蛋散。一流硬件無軟件配合還是死。
「對啦，香港的教育也是不行，中小學沒有審美培訓...」
下至幼稚園上至大學，人人都希望不要節外生枝，早點把班房內的客戶們送走，下課了還有教務行政以及大大小小的課外活動，老師連睡覺時間都不夠，何來vision呢？
學校充其量只能助你應付考試，其餘真的只好靠自己。
家長壓力、殺校、教材供應商的利害關係等一大淌混水，可以改動的空間其實很小。所以說香港缺乏甚麼美術審美培訓，就有如在ICU對一個心臟衰竭的危殆病人說他應多做眼部運動。
講到自求多福，香港人缺乏創意是家長的問題嗎？黑人和K都不是家長，當然可以講得口響，他日輪到自己有細路，又會否拿拿林報游水舞琴棋書畫跆拳柔道珠心算呢？
有時覺得，作為一個香港人，不能錯。
家長培育小朋友不能錯，偏離主流，入不到理想名校，子女的一生就會錯了。
莘莘學子要把書讀好，高考肥佬就大鑊，很難翻身。
出來社會做事，入錯行，隨時窮一世。
正因為這個mentality，做廣告創意都要穩穩陣陣，跟著別人的腳印走，自己就不會觸雷了。受眾也好不了多少，無人敢做第一個吃蟹的勇士，大家都怕自己的口味「錯了」，所以永遠只有主流沒有分眾。有若干經驗的香港設計人，都學懂選擇「對」的東西來做，創意未受精先閹割。
怕犯錯的思維主導整個政府，所以政府永遠在「審時度勢」，電影發展基金要確保穩賺才批錢 (真的穩賺就不用找你啦)。
談香港創意跟港男港女一樣，早已講到口臭。
現時最需要的不是另一個創作大師或者評論人，反而需要一個懂得建制運作的政治家，一方面明白創作人的處境，另一方面懂得建制的利益運作，為創意工業逐漸爭取應有的發展條件。
設計再精彩，頂籠變成另一篇jet 專訪或者報紙頭條。韓國的藝術和電影能夠高速發展，大部份拜政府政策所致，並不是靠幾個創意大師「做好自己」就成事，日本軟權力雄霸全球，也是多年政府和民企努力的成果。太多香港的創作人對現實發出感性的指控，卻鮮有人能夠將之翻譯為技術官僚能夠明白和執行的政治語言。
能夠研究外國創意政策成功要素，並將之移植到香港市場的人，才能帶來真正的CHANGE。
******
攝於沖繩海洋博公園
有幾多香港小朋友可以咁樣玩水呢？(哎也，做乜濕晒，一陣冷親就知死呀你！)
又，黑人認為常接觸大自然的小朋友，長大後心智比較正常
「喂，我係K，你有無時間出來食個lunch？」
粗粗地計K是新生代設計低調名人之一，難得佢打來約食飯，當然lur飯應，事後更加要將其姓名隱去，讓我等小薯仔曖曖昧昧地沾下光。
年近歲晚冷冷清清淒淒慘慘戚戚，黑人其實比較想問K有無設計界的(單身)美女介紹，過返個溫暖甚至火熱的平安夜，退而求其次，分享下佢早年的界女心經都好，可惜話題依然好正經咁講返香港設計界的東西。
一輪咀，先數Inno Centre 幾咁唔掂、設計界的建制組織私相授授、某設計會社後知後覺又蠢等等，很自然地，數數下就鬧香港政府的創意政策唔掂。例如創作人在倫敦Tate Modern擺到展覽就代表得到殿典級的認可，相反在香港Inno Centre就等於撈唔掂：因為左手邊畫緊graffiti果位人兄實為某土炮學店的not-so-fresh-grad，右手邊係不知名山寨設計公司，一般珍惜羽毛的創作人大多會恥於為伍，本來想推動創意的德政，變成生人勿近的湘西趕屍。
K 指摘當局官員無vision 無膽，正確，但黑人認為香港地的技術官僚其實不是敵人，官僚們純粹機械式地按本子辦事，並非刻意留難。要從千頭萬緒挑一個萬惡之源，太難，太多事互為因果。
眼見K 雅興所致，有少少狂貓上身，當時我反問，如果讓你渣旗話事，你會否做得更好呢？
K呆了一下，我再補充：即使Inno Centre渣旗的人有vision都好，如果來應徵的創作人都是蛋散，最終整個創意中心依然充斥著一班蛋散。一流硬件無軟件配合還是死。
「對啦，香港的教育也是不行，中小學沒有審美培訓...」
下至幼稚園上至大學，人人都希望不要節外生枝，早點把班房內的客戶們送走，下課了還有教務行政以及大大小小的課外活動，老師連睡覺時間都不夠，何來vision呢？
學校充其量只能助你應付考試，其餘真的只好靠自己。
家長壓力、殺校、教材供應商的利害關係等一大淌混水，可以改動的空間其實很小。所以說香港缺乏甚麼美術審美培訓，就有如在ICU對一個心臟衰竭的危殆病人說他應多做眼部運動。
講到自求多福，香港人缺乏創意是家長的問題嗎？黑人和K都不是家長，當然可以講得口響，他日輪到自己有細路，又會否拿拿林報游水舞琴棋書畫跆拳柔道珠心算呢？
有時覺得，作為一個香港人，不能錯。
家長培育小朋友不能錯，偏離主流，入不到理想名校，子女的一生就會錯了。
莘莘學子要把書讀好，高考肥佬就大鑊，很難翻身。
出來社會做事，入錯行，隨時窮一世。
正因為這個mentality，做廣告創意都要穩穩陣陣，跟著別人的腳印走，自己就不會觸雷了。受眾也好不了多少，無人敢做第一個吃蟹的勇士，大家都怕自己的口味「錯了」，所以永遠只有主流沒有分眾。有若干經驗的香港設計人，都學懂選擇「對」的東西來做，創意未受精先閹割。
怕犯錯的思維主導整個政府，所以政府永遠在「審時度勢」，電影發展基金要確保穩賺才批錢 (真的穩賺就不用找你啦)。
談香港創意跟港男港女一樣，早已講到口臭。
現時最需要的不是另一個創作大師或者評論人，反而需要一個懂得建制運作的政治家，一方面明白創作人的處境，另一方面懂得建制的利益運作，為創意工業逐漸爭取應有的發展條件。
設計再精彩，頂籠變成另一篇jet 專訪或者報紙頭條。韓國的藝術和電影能夠高速發展，大部份拜政府政策所致，並不是靠幾個創意大師「做好自己」就成事，日本軟權力雄霸全球，也是多年政府和民企努力的成果。太多香港的創作人對現實發出感性的指控，卻鮮有人能夠將之翻譯為技術官僚能夠明白和執行的政治語言。
能夠研究外國創意政策成功要素，並將之移植到香港市場的人，才能帶來真正的CHANGE。
******
攝於沖繩海洋博公園
有幾多香港小朋友可以咁樣玩水呢？(哎也，做乜濕晒，一陣冷親就知死呀你！)
又，黑人認為常接觸大自然的小朋友，長大後心智比較正常
星期一, 11月 10, 2008
第一誡
看完，第一界當然要界落張凳度。
(spoiler warning)
有些香港觀眾睇完第一誡覺得正，好可能係因為未睇過10年前 Danzel Washington主演的Fallen。
Fallen講述一個殺人魔被判死刑後，接二連三出現copycat 殺人案件，手法相似，行凶動機不明，而凶手及眾多受害者完全隨機沒有關連。
主角John Hobbes (Danzel Washington飾) 是當年緝拿殺人魔歸案的探員，深入調查發覺案件並不如想像中般簡單：殺人魔被處決後似乎未死，他的意志仍可以透過人傳人的方式控制不同的軀殼犯案，而且Hobbes不幸被看中加以陷害。(很簡單，就是先向A附體拿槍脅持B，主角開槍制止A時再透過B傳去路人C，然後路人C向警方作假口供說主角亂開槍。)
Hobbes 慘被文火燉冬菇，得悉十多年前原來有另一位探員同樣調查相似的連環凶殺案，探員自殺後案件不了了之。苦無線索下Hobbes 聯絡探員的女兒，原來凶手是同一「人」，正確來說是一位墜天使。
墜天使本身沒有軀殼，卻可以隨意依附人類或動物，不過有些人(如主角)為人正氣，墜天使是無法附身的。如果宿主死去，墜天使就必須在一口氣的時間內尋找另一個宿主，否則就會被永久消滅，此時墜天使可以依附任何人，即使主角也不例外。
於是Hobbes 精心佈局，將墜天使引到一人跡罕至的地方，先將宿主殺死，再服毒自殺。可惜劇終時墜天使找到一隻野貓附體，魔高一丈。
當年DHL 有個廣告用Rolling Stone 一曲Time is on my side 作為jingle，此歌正是墜天使派台歌，每逢殺人都會唱，可能因為千百年不死身，唱起來特別應景吧！
鏡頭一轉，回到第一誡。
飾演藍帽子散仔的余文樂一次例行調查中遇上連環殺人狂魔，身受重傷。殺人魔快將得手之際卻突然發生靈異事件，讓余文樂射殺狂徒保命。
此後，余文樂被調到「雜務組」，表面上投閒置散，實即警方非正式的異靈事件處理小組，所謂第一誡就是「世上是沒有鬼的」，凡接到靈異案件，一律不承認有靈體存在。除非遇上特別凶猛的冤靈附體案，則一律射殺處理。冤靈可以透過接觸隨意附入人體，而離開宿主後，宿主會變成痴痴呆呆，三魂唔見七魄是也。隨著余文樂處理越來越多靈異個案，慢慢發現有幾宗案子存在關連，而且漸漸跟自己有關。
原來之前被余文樂抄牌的殺人狂魔，死後成了小氣鬼，執意向余文樂報仇。 殺人魔生前是毒男，痛恨妖女和港女，欲殺之而後快，於是電影末段三十分鐘就出現大量美少女慘死的場面，隨手拿埋都死十幾件。
結局同樣玩正不能勝邪，可是看Fallen 會感到高明，看第一誡就想界凳。
為何兩套電影差距如此大呢？打個比喻，一個高明的編劇，在故事開始時會告訴你：我手上有十塊正方形的積木，說完用黑布一掩，正當你預計製成品只是一個大正方形之除，黑布再揚開，卻發現砌了個圓球體出來！而且材料全都見過，這就是情理之中，意料之外。
第一誡的編劇，開始同樣有十塊正方形的積木，黑布揚開後，卻多了其他臨時加上去的東西，而且他告訴你，第三、四和五件積木是假的並不存在，第七件被換走變成三角型，砌成一個三尖八角似圓非圓的東西。在黑布下面隨意變換組件，講明白點就是屈機。
另外，第一誡的編劇很習慣低估觀眾智商，為了交待劇情，專寫一些不是人講的對白硬塞進角色之口。故事中的超自然現象倒是人物明知對方清楚來龍去脈，依然向見不到的人(觀眾)作大量解說，而每逢應該有疑問的場合，卻硬生生把問題吞回肚裝作很正常。
香港地阿婆肚痾報紙都可以話周一嶽無能，如果接二連三出現警員(無故)槍殺平民、大量市民橫死等等，十個笨警成都不夠下台。偏偏電影中乜事都無，而且警局明知對手是鬼怪，居然無人求神拜佛、無人問點解，好多普通人會問的問題，編劇都假設你不懂問，索性懶得解答。
Fallen 是一個大致上現實的世界加插一件超自然元素(墮天使)，第一誡卻貪務多得，講到鬼魂法力高強無處不在但又要扮現實扮像真。John Hobbes 尚可細心佈局將墜天使殺死，即使失敗了，墜天使勝利的原因早已埋下伏筆，不是臨尾急就章或者弄些假footage 騙觀眾蒙混過關。余文樂的世界因為編劇設定粗支大葉打從開始就完全沒勝算，借用梁家傑的競選標語：「誰想看一場沒有競爭的比賽？」
星期六, 11月 01, 2008
家教三則
教BB
跟眾友小聚，四周餐廳人滿為患，最後揀了人較少的馬來餐廳。
一席晚飯吃得心煩氣燥，鄰桌一家八口(可能是兩家)，包括有幼童兩名，初中女生一位，幼童約兩至三歲，未懂說話，但懂得大聲尖叫引人注意。
朋友最終忍不住：「你地可唔可以叫個BB 靜少少呀？」
對台師奶：「點樣靜少少呀？佢BB黎架，唔識性！」
氣氛如在油缸丟下燃燒彈，兩台人旋即爆發罵戰；大家族人數佔優，說話較大聲而且粗口頗多，師奶媽及老粗爸更不時拍台助威。
未幾經理出場調停，首先嘗試勸止聲浪較大的大家族，不果。再轉向黑人這台，先講客套話，再恐嚇繼續落去會交由警方處理。
黑人幾乎全台都是製作人班底，不怕嚇，立刻鼓勵經理報警。
於是經理又很無奈的轉向大家族調停：「對面後生仔女，你地咪由佢囉。」同樣不果。
再對罵一輪，黑人及眾友均感到浪費時間心力，埋單走人。
黑人當時想起米搞兄某段留言，大意是父母不能因為BB嘈而失去搭飛機的權利 (希望沒記錯，如米搞兄看到煩請補完吧！謝謝。)
如果黑人不是當事人之一，見到這類情況都會說：「忍下囉，無計啦。」
如果忍無可忍，是否也不應向鄰桌表示不滿呢？
事實上，該幼童也不是完全「無性」。據黑人觀察，幼童很清楚大聲尖叫就會有人注意和餵食，每次尖叫，老粗爸就會以食物獎勵。黑人雖未曾為人父母，但即使訓練貓狗也是靠餵食作為鼓勵。BB或未懂是非，這方面的本能應不比貓狗差。
以前在酒樓亦見過好些家長會將太吵的嬰兒暫時抱出外逛逛，或者喝止幼童「唔準嘈」，雖然幼童未必聽得懂，但大概明白身體語言和語氣吧？再退一步，就使管束不了，以上動作至少在告訴其他人：不好意思，我們已儘了力。
(各位為人父母的看倌，你們又會怎樣想？)
粗口
大家族當然沒有不好意思，火拼到後期，老粗爸先爆一句鵰狸鸕鵡，接後燒你數簿湊西更不絕於耳，而且主要出自那位初中女生之口。(黑人這邊都有朋友爆粗)
引發黑人思考問題之二：到底這家人的家教是成功還是失敗呢？黑人相信較開明的家長都會默許子女對粗口有一定認識，但不容許子女在家庭場合講粗口，因為講粗口在正常社交場合都是失分的行為。
不過，發惡講粗口某程度是一種survival skill，例如在上述面對衝突的處境，識得發爛渣爆粗的一方，較斯斯文文的鵪春佔優。
到底大家族教出來的初中女生是個明日survivalist，還是無儀態無家教的敗類呢？如果能收放自如，黑人相信是前者，可惜當晚只能見到她的「放」，平日能否收斂卻不得而知了。
又，如果黑人作為家長，應該為自己個女連珠爆粗感到自豪，抑或流冷汗呢？如果自己先忍不住爆粗，又如何呢？
電影評論員
事後，又想起看「黑夜之神」當晚，身後有一對母子深受劇力感染，不停口地當電影評述員。
「咁多個小丑既？」
「真果個未出黎呀。」
「嘩佢射左支叉去對面棟樓呀。」
「拿佢宜家飛緊過去。」
「佢襟果d制做緊乜呀？」
「拆緊銀行個警鐘囉。」
母子透過問與答，將全套戲scene by scene 覆述一次。
身旁觀眾皆怕事，一直無人敢出聲，終於黑人忍不住，轉身怒喝：「靜d啦你地！得唔得？」
接下來母子確實稍為靜了一會。隔了約半小時，母聽到附近有其他觀眾竊語，又放膽繼續當評述員，不過由每scene 覆述，改為將3-4 個scene 總括一次。
事後黑人不禁想，該名死小孩日後看電影，大概也會依照母親身教，全場當評述員。
而那位家長本身大概沒有公德心的概念，更加沒有自我檢討的能力。
見微知著，看電影尚且如此，小孩日後出去社會做事會變成怎樣，不須花太多氣力也想像得到。
憑有限的學校教育，自然不能改善甚麼，家長和學生是客戶，老師沒時間罰，也不敢罰。
(是否因為這個主因，我們的教育改革總是失敗？)
跟眾友小聚，四周餐廳人滿為患，最後揀了人較少的馬來餐廳。
一席晚飯吃得心煩氣燥，鄰桌一家八口(可能是兩家)，包括有幼童兩名，初中女生一位，幼童約兩至三歲，未懂說話，但懂得大聲尖叫引人注意。
朋友最終忍不住：「你地可唔可以叫個BB 靜少少呀？」
對台師奶：「點樣靜少少呀？佢BB黎架，唔識性！」
氣氛如在油缸丟下燃燒彈，兩台人旋即爆發罵戰；大家族人數佔優，說話較大聲而且粗口頗多，師奶媽及老粗爸更不時拍台助威。
未幾經理出場調停，首先嘗試勸止聲浪較大的大家族，不果。再轉向黑人這台，先講客套話，再恐嚇繼續落去會交由警方處理。
黑人幾乎全台都是製作人班底，不怕嚇，立刻鼓勵經理報警。
於是經理又很無奈的轉向大家族調停：「對面後生仔女，你地咪由佢囉。」同樣不果。
再對罵一輪，黑人及眾友均感到浪費時間心力，埋單走人。
黑人當時想起米搞兄某段留言，大意是父母不能因為BB嘈而失去搭飛機的權利 (希望沒記錯，如米搞兄看到煩請補完吧！謝謝。)
如果黑人不是當事人之一，見到這類情況都會說：「忍下囉，無計啦。」
如果忍無可忍，是否也不應向鄰桌表示不滿呢？
事實上，該幼童也不是完全「無性」。據黑人觀察，幼童很清楚大聲尖叫就會有人注意和餵食，每次尖叫，老粗爸就會以食物獎勵。黑人雖未曾為人父母，但即使訓練貓狗也是靠餵食作為鼓勵。BB或未懂是非，這方面的本能應不比貓狗差。
以前在酒樓亦見過好些家長會將太吵的嬰兒暫時抱出外逛逛，或者喝止幼童「唔準嘈」，雖然幼童未必聽得懂，但大概明白身體語言和語氣吧？再退一步，就使管束不了，以上動作至少在告訴其他人：不好意思，我們已儘了力。
(各位為人父母的看倌，你們又會怎樣想？)
粗口
大家族當然沒有不好意思，火拼到後期，老粗爸先爆一句鵰狸鸕鵡，接後燒你數簿湊西更不絕於耳，而且主要出自那位初中女生之口。(黑人這邊都有朋友爆粗)
引發黑人思考問題之二：到底這家人的家教是成功還是失敗呢？黑人相信較開明的家長都會默許子女對粗口有一定認識，但不容許子女在家庭場合講粗口，因為講粗口在正常社交場合都是失分的行為。
不過，發惡講粗口某程度是一種survival skill，例如在上述面對衝突的處境，識得發爛渣爆粗的一方，較斯斯文文的鵪春佔優。
到底大家族教出來的初中女生是個明日survivalist，還是無儀態無家教的敗類呢？如果能收放自如，黑人相信是前者，可惜當晚只能見到她的「放」，平日能否收斂卻不得而知了。
又，如果黑人作為家長，應該為自己個女連珠爆粗感到自豪，抑或流冷汗呢？如果自己先忍不住爆粗，又如何呢？
電影評論員
事後，又想起看「黑夜之神」當晚，身後有一對母子深受劇力感染，不停口地當電影評述員。
「咁多個小丑既？」
「真果個未出黎呀。」
「嘩佢射左支叉去對面棟樓呀。」
「拿佢宜家飛緊過去。」
「佢襟果d制做緊乜呀？」
「拆緊銀行個警鐘囉。」
母子透過問與答，將全套戲scene by scene 覆述一次。
身旁觀眾皆怕事，一直無人敢出聲，終於黑人忍不住，轉身怒喝：「靜d啦你地！得唔得？」
接下來母子確實稍為靜了一會。隔了約半小時，母聽到附近有其他觀眾竊語，又放膽繼續當評述員，不過由每scene 覆述，改為將3-4 個scene 總括一次。
事後黑人不禁想，該名死小孩日後看電影，大概也會依照母親身教，全場當評述員。
而那位家長本身大概沒有公德心的概念，更加沒有自我檢討的能力。
見微知著，看電影尚且如此，小孩日後出去社會做事會變成怎樣，不須花太多氣力也想像得到。
憑有限的學校教育，自然不能改善甚麼，家長和學生是客戶，老師沒時間罰，也不敢罰。
(是否因為這個主因，我們的教育改革總是失敗？)
********
坦白說，黑人日後真的不敢生兒育女，因為自己缺陷太多，不懂教。
訂閱：
文章 (Atom)