從Chris 處見到兩篇關於天國地獄的文章，值得一看。
(上)
(下)
黑人好耐之前都有諗過到底天國係點。問題係點諗都覺得悶，例如耶教的天國日日唱聖詩「賺眉豬！賺眉豬！」「太好了，「每日都可以親近神啦」，接近左又點？玩手指乎？
回教個天堂比較適合黑人胃口，有大堆俊男美(處)女美酒佳餚。
不過，日對夜對都悶啦！而且黑人都幾怕處女。
記得以前在OpenYale 旁聽心理課，個prof講左一個幾重要的concept：人會對不斷重覆的事物漸漸麻木，以便識別各種突變和差異。換言之呢種「對得多都悶」的感覺，係幫助人類學習和適應環境的機制。
所以黑人認為，上天堂要「唔悶」，最大可能就係將呢個機制剔除， 咁樣人就會變得好易滿足：每次飲汽水都好似第一次飲咁正。換一個角度，小小懲罰都變得如無間地獄。
咁樣又帶來另一個問題，如果每一刻都好似電腦 reboot咁唔記得之前做過乜，上天堂又有甚麼意義？
如果人生無左「老病死」，無意義又有乜所謂？
7 則留言:
點解你怕處女呢又?
>sze
又血，又痛，又無技巧，又多心理障礙
做完仲要負最大責任
(第一次俾左你，要負責任)
日後隨時拿返出黎揪秤
諗起都怕怕
唔怪得有d香港人返工返得好地地，無端白事都要轉工啦。原來係對得多會悶。*grin*
如果無左「老病死」，當活到某一日起身，突然失去哂求知慾果陣，咁「生」都唔知為左乜囉。
> orange
所以認真諗下，無論邊個宗教都好
天堂個concept 其實有好大問題
(話唔定係d 老細對得d 伙記太耐，覺得悶想換呢)
天堂與地獄真正是怎樣﹐沒人知。那些concept都是人想出來的。當然﹐或許根本就沒有。我最近看了本書﹐叫"The Great Divorce" by C.S. Lewis。是講天堂與地獄的。很不錯。我正想著post some excerpts。
又﹐咁你又唔洗對處女咁怕怕既。會否人都對那詞有點錯覺呢。
死咗，我倩願再做過人，酒色財氣，悲歡離合，清風朗月，盛衰興亡，幾過癮！
> 雲妹子
對呀，有人說天堂和地獄一直也沒來，可能每一刻已在身邊發生。
> laulong
好難講，睇下做咩人啦
大家都知，人係一個十分大的變數
發佈留言