星期五, 1月 30, 2009

初五赤口

我承認,好些男生(包括在下),並不懂包裝打扮,或者simply不討好。

但這不是被人冷言奚落的理由,尤其那是初相識無得罪你普通到唔普通的社交場合。

以前曾經去過某些孤男寡女聚會,確實有悶男呆女三尖八角乜人都有。

談不攏保持距離就是。較討厭的,會跟友人們私下品頭評足,除非對方真的做錯了甚麼大事才會聲討,那是最後一步了。

有些女生標榜尖酸刻薄兼夾非常snobbish,遇上不順眼的,當場已忍不住要講些難聽話,弄僵氣氛還沾沾自喜以為這是「強」。

眼前被你嘲諷的牛蒡男真身可能是krauser二世,又或者他有某些你不知道的優點,可能五年後他會賺夠一生的錢,並將九成都交給他的老婆,甚至他身邊可能認識一些優質港男,但因為你剛才的表現,他決定叫優男們提防你這個港女。現在 word travels faster than light,而我剛才列舉那些可能,並不是憑空捏造,大部份有實例支持。

經驗中,越有條件的女生越平易近人,亦因為她們 social skills優勝,事業無往不利。她們交的朋友,長線獲利甚豐。

相反,只爭朝夕小甜頭,整天發夢被白馬王子騎的,叻極有限。


********************************

又,跟才子E談到某些港男通病。

大多數電車男、毒男、宅男或者乜男物男的通病,就是跟初相識的異性朋友講一些聽不懂又不好笑的笑話。

話說遠古時代,巧遇一性格可人樣子更可人身裁超級可人的女生,名字好像叫Zita,黑人鵪春地問曰:「咦?你鍾意Zeta高達架?」

「下?咩黎架?」

「......」

如果閣下笑左,黑人感激你(終於有人覺得好笑了)。

憑心直說,普通社交場合大家都是1) 努力尋找一個可溝通的 common ground如明星、電影、工作等,2) 過程中儘可能顧及對方的感受。有些人較風趣受歡迎,可能是他的common ground 較多或較易引人興趣,又或者他很擅長閱讀眉頭眼額,以上全憑實戰經驗,無得教。

當然,上述講的是大原則,沒有必勝法。人夾人緣,總有些人無論在興趣事業各方面都是不投契的,遇上這種情況只有嘆氣下次努力吧。

身邊有不少好男好女滯市,點算。

(又,黑人深明貧賤夫妻百事哀,所以這幾年方針是儲好錢才找女友,並戒飲百事。)


********************************

仲有d貨,寫住咁多先。

15 則留言:

匿名 說...

1)我笑了,不用感激
2)戒飲百事好,可樂好飲多了---小星

小瓶子 說...

对不起, 这个笑话我不太清楚. 估计是卡通里面Zita 是喜欢Zeta?

Kenka 說...

小瓶子, 不過是單純Zeta發音接近Zita.
(遮ta vs 之ta, 勉強似啦), 所以我是知道怎樣好笑但不會笑的.

戒飲可樂是真的, 我的智慧齒都因此蛀到差點要拔掉

米都話唔搞咯 說...

我有笑,但係係笑緊你喎~哈哈~

你話唔飲百事,但有冇飲可口可樂呢又?

又,你唔揾女啫,你要,大把。

readandeat 說...

哈﹗我也遇過這種人。我以前也認識女孩叫Zita。不會是同一人吧。

初五是赤口?

匿名 說...

>可能五年後他會賺夠一生的錢,並將九成都交給他的老婆,

雖則話怕老婆會發達,但都唔使交九成嘅(一個大男人就算唔煙唔酒都要有啲錢傍身/使嘛!)計我話交七成都足夠了(都係貪咗啲,哈哈!)



Hana

米都話唔搞咯 說...

娜妹:

交唔交足九成唔緊要,要俾佢以為你係交足九成就得喇!!!!

Jean 說...

黑人, 汽水要少喝為妙, 我同事其中一樣就係衰勁喜歡飲汽水;

細細聲說:

如果條友五年賺夠可以退休, 根據我對世情的了解, 條友好可能會自己控制番自己的財政~~

小女子 說...

其實,我覺得滯唔滯市,睇你點睇架 … 你話你要「儲好錢才找女友」…算唔算滯市喇?

男架一定話等事業有少少成,女架一定話等事業穩定等等 … d d 廢話啦 …

都係果句啦,遇到個中意架 … d d 廢話,全部唔成立啦!所以係無滯市囉 …

做人,睇自己想點 ja …

黑人 說...

> 小星

謝謝! (星星眼狀)

> 小瓶子

kenka 解釋得很清楚了,這是宅族才懂的爛笑話

> kenka

唔怪得你的才智儘用在古怪的地方,而我就半點智慧都無,睇黎都係跟智慧齒有關

> 米搞

大把又唔算,正牌黃偉文話齋,如果將我個樣撈落去d貓飯餵貓,貓,是肯食的!

係身邊的朋友問題嚴重一點:異性相處經驗不足、中年處男...比比皆是

> 讀吃

世界細小,話唔埋!

> hana & jean & 米搞

朋友遇過手段高明的女人,d 錢係keep 返落個男人(聯名)戶口度,但點樣駛同埋投資就由佢話事

另,Jean哥哥,有d痴情男人愛起上來,成副身家兼自己俾唔起的未來錢都會俾晒出來,身邊不是未見過呢類人

> 小女子

我講係身邊的朋友,連拋個身出去都唔願

或者唔為意自己有些致命的社交缺陷,呢幾下先至大鑊

小女子 說...

社交缺陷 … 其實同自閉無咩分別

小女子 說...

社交缺陷 … 其實同自閉無咩分別

匿名 說...

黑人
"這是宅族才懂的爛笑話"

搞到我有d後悔答你笑咗...

****************
小女子
「自閉」闊d,除社交缺陷還包其他缺失

小星

黑人 說...

有分別的

自閉係柄埋一二邊,社交缺陷係好努力地溝女,但因為不得其法,越努力就越嚇跑d女仔

Ta 說...

''大多數電車男、毒男、宅男或者乜男物男的通病,就是跟初相識的異性朋友講一些聽不懂又不好笑的笑話。''


我反而覺得這是一個很好的測試 觀察對方的反應
如對方對冷笑話全無反應 此姝應頗難侍侯
但如對方仍然笑了 或是說點什麼給你那個冷笑話解窘 加分 因為她會體諒別人

又 有時跟本跟該笑話好唔好笑無關 如果金城武說了個超爛的冷笑話 好多女仔 還是會笑的