星期六, 1月 17, 2009

十六踢

見到ching 呢一篇,醒起自己都被人tag了,得閒就寫寫。

1. 30歲,2字頭的妹妹仔嫌你老,2字尾的姐姐嫌你唔夠老...呀,理論上可以試下殺d 18,9歲,輪到我殺唔落手。

2. 打飛機睇咸相真係不能過量,唔係傷身,係睇得多會厭,跟住無乜野令你覺得正,有呢個問題的師弟自己醒水。另外手淫過多會令做愛時較難有高潮(男女都係)。拍過咁多次拖,只係得一次射,其餘都係gf到左就收工。

3. 唔係好介意長時間獨處,但間中需要同人類接觸下保持說話能力。三字頭大家都有事業家室,無人得閒陪你癲,所以要習慣下。

4. 覺得落機舖挑機先至開心,心頭好係Gundam DX 同埋Seed-D,玩前者的技術較好。

5. 練跑馬拉松可以暫時唔諗野。

6. 睇完K1格鬥,覺得人只係得一段好短的時間「當打」,通常係24-28歲。之前未夠經驗之後唔夠氣力。一生人可以做幾多個design job、畫幾多頁漫畫,就正如打飛機射出來的精可以裝滿若干個可樂罐,有數得計。所以請好好掌握閣下「當打」的時間做想做的事。

7. 鍾意畫公仔,但無point的,不會名成利就。純粹覺得咁樣運用生命先至有意思。

8. 做freelancer 有好多恐懼:無job、做懶手腳、識d野outdate、見識少、無積蓄etc,今年希望可以比較有計劃地應付自己的恐懼。

9. 最近發明左用相機scan 書,好多重磅design 參考書變成無重jpg,可以裝晒落portable HD 隨身帶,爽。不過逐幅影相的時候腰背好酸下。

10. 很喜歡日本人蒐集情報和細節的認真,雖然無辦法事事都做足資料搜集,但開始pickup 呢個習慣,scan 參考書隨身攜帶是其中一步。

11. 愛吃魚生以及絕大多數的日式料理,最憎飲茶。

12. 無野叻,擅長做第三者。因為表面無殺傷力,亦無諗住進攻。大家互相傾下心事互相了解,好易出事,就算無出事都有嫌疑。所以對住d有拍拖既異性要保持距離。

13. 唔少人以為我同A小姐有野,實情真係無。大家多年共識係保持距離做朋友先至符合最佳利益。A小姐的男友如果有睇開呢度,唔怕講到明,多年來佢的男友come and go,如果最終真命天子係你,恭喜晒,如果唔係都不要太難過,佢揀中的男仔都係好野,而且再見亦是朋友。

14. 超級喜歡David Gemmel的小說,世界觀殘酷,對白辛辣精警,角色們英雄感強,爽直豪快,最近一套Troy三部曲,好過我睇以前任何一套英文奇幻小說,Bram Stroker的Dracular 除外。

15. 飲歌係Black Sabbath既Ironman,1970 巴黎現場版本,聽極都唔厭。最近愛上Led Zeppelin的Blackdog,同樣要1973年Madison Square live 版本唔該。1970 Black Sabbath的WarPigs 都得手。

16. 想得太多,做得太少。改緊。

8 則留言:

Betty 說...

>>>拍過咁多次拖,只係得一次射,其餘都係gf到左就收工

甘得人惊??

小星 說...

"間中需要同人類接觸下保持說話能力。"

求其搵份要說話的part-time,例如售貨員﹑電話投注等,旨在消磨時間和保持說話能力。
你又唔係話想有朋友溝通分享。

匿名 說...

你真係咩都敢寫出黎.就算我果邊無咩人去,我都唔夠膽咩都寫出黎.

sze

B.Y. 說...

居然仲有人聽Black Sabbath!!真係估唔到!!香港聽舊歌的人唔係oldies就係jazz,唔會聽佢.聽metal的人更唔會聽佢,咁鬼out!實在未聽過有人會聽佢地呢.
我係聽開拆散後的ozzy先倒轉頭聽Black Sabbath的,最愛還是Paranoid.
不過五年前睇過Ozzyfest,老了,跑幾下都喘氣,大不如前了.
幾憶中班老野好似早幾年有一齊跑個一個tour,我估都可能最後一次啦.

黑人 說...

> 小瓶子

好驚

> 小星

d 朋友開始唔得閒了,同埋日頭有野做的,只係唔需要開口講野而已

> sze

有人夠膽post 自己張相添

> BY

我係聽the cardigans 跟住唔覺意搵到呢隊band。不過我本身都鍾意6,70年代的rock,最初就聽 Eagles。

Ozzy 去到8x年已經唔掂,腫晒,個腦都虧虧地唔多記得歌詞。之後最有feel 係聽佢首changes,真係有血有淚。

B.Y. 說...

都唔係,Randy Rhodes年代都好好呀,係之後Jack E Lee0個陣低迷.Zakk Wylde0黎左之後生返晒,changes的鋼琴都係佢彈呢,睇live,感動得黎有d怪,Zakk人又大舊滿面胡鬚咁,好難感性......

鬼咩,佢年青時痴線到見到地下有隊螞蟻,居然用鼻好似吸line咁成行吸入去......Jackass相比之下已小兒科了......佢個腦唔虧有鬼

匿名 說...

實則gf可能扮高潮...悲慘!

黑人 說...

> BY

Ozzy 真係傻既... 可能佢成名太早,唔識點handle。

> 匿名

每次都會問返佢覺得點,有佢會話我知既,無都會照講,原因就係唔想長遠屈埋唔開心 (本來打算長遠的,唉!)