星期一, 1月 12, 2009

大朋友齊打交

呢個鐘數寫野,又代表我訓唔著了。
以後真係要日間練跑,夜晚練完往往會失眠。

睇完葉問,想睇一d較真實的格鬥,於是買左07同08年的K1國際賽DVD。

一般人睇慣武術電影拳來腳往,轉睇k1 會覺得幾悶,兩個人望下望下,間中出d輕拳隊下隊下,突然幾下大招兩拳一腳!嘩!彭彭聲好勁!但原來擋晒,之後二人又繼續望下望下,輕拳輕拳...

不過黑人又幾鍾意K1的真實感,三回合決勝制,每回合三分鐘好似好短,其實體力好快用完,選手們去到第二、三回合通常已經索晒氣,甚至已經wing wing 地勉力支持。唔係單靠力大招精就會贏,除非實力差距太大,否則都要講策略:例如不斷做假動作、暈的扮清醒、受傷扮無野,金星直冒可能要想法子recover(通常係攬住對手等裁判叫break,可以有三兩秒時間回氣)。手長腳長未必有利,被人埋身就無符,所以有d人會不斷擋住逼埋黎,一來找機會攻擊,二來焗你推開佢,消耗你的臂力。

中量級 K1選手都唔係特別大份,出到街只係似一個比較fit的普通人,而且近年d選手好多都幾上鏡,例如08年冠軍魔裟斗 (電影「軍雞」飾演菅原直人),平日街上遇到佢,點會知佢原來咁好打?


今年29歲,攣到爆的電眼,就算黑人唔係同志都feel到d電力 (人地結左婚喎,老婆ok靚的)




毫不起眼的拳皇播求,兩屆K1盟主。邊個死飛仔遇著佢都幾大鑊。





上到擂台就唔係人咁品。



擂台上怒啤鬥雞眼的固然有,但唔少K1拳手都幾好風度,前一刻打生打死,鐘聲一響互相擊拳一下示友好,比賽而已,nothing personal。

K1 16歲新星Hiroya,日後可能是魔裟斗的接班人。


同場加演
中國武術揚威國際

2007 K1二線選手 vs 中國05年散打王


詠春大俠 vs 泰拳手

4 則留言:

Jean 說...

其實如果個高老 打番守勢
個矮仔未必有著數

可能在頭幾次嘗試突破的時候就給KO掉了

黑人 說...

問題係多數散打選手的體能都欠佳,加上習慣用扭打同投摔技呢d耗力的動作,我睇高佬就算唔中果幾拳,打多兩野自己都無力

換著係andy souwer、播求或者魔裟斗同佢打守勢,矮仔就輸硬

富爸爸.com 說...

我還是喜歡少林的功夫。

黑人 說...

> 富爸爸

少林功夫動作較大而瀟灑,係很好看的
我表弟都有去嵩山學過下師