星期四, 5月 03, 2007

時光倒流

訓唔著,早睡(11:30 pm) 不行,早上(7:40am) 也睡不了。做野又無精神,在床上又有如食左無睡意幸福傷風素,催眠都訓唔到。


於是乎,黑人無聊地幻想若果可以時光倒流,人生會如何。


一兩年前,會幻想回到大學讀design的時代,執靚個 portfolio,或者帶著現時的知識技巧,回到大學時代拿straight A,甚至奪 cum。當然不會花錢在無謂的吃喝玩樂,儲埋d錢,等2003 SARS 一舖大軍殺入 5 號仔。甚至記低某一年的六合彩 (幾千萬又無人中果期),一注獨得,下半世都唔駛憂咯。


其實一個人回到過去最想做乜,反映現在乜遺憾或者不滿。例如猛咁話搵錢,即係宜家好窮。一個滿意現狀又有將來的人,係唔會想咁多回到過去,只會想跟住幾日要做d乜。


黑人現在的朋友不多,都是知己,若果改變左人生而失去相遇的機會(例如選擇畢業後在加拿大長期工作),會幾可惜。至於感情,追不到的現在已無感覺,再見面也不會怎樣吧?(我估)...分手的都是兩個人的問題,回到過去只改變50 % of the equation (對方沒有變),還是一樣會分手,可能只會延後發生,又或改變發生的形式矣。無論得與失,都是好回憶,無須改動。


還有創作大計...現在也還未能好好善用時間,回到過去大把時間,只會更浪費吧?要創作,總會抽到時間,不動手,有無數的理由。


諗諗下,回到過去,又要挨out date的軟件,所有市面上的「新game」全都已玩厭玩到唔玩,未上畫的電影已知道晒結局,好多野都無晒新鮮感,可能會好痛苦下。


數到尾,似乎沒有甚麼回到過去特別想做的事情。


黑人現在回到過去最想要的唔係錢,而係唔駛愁俾客call,好好的訓返兩三日。zzzzZZZ

2 則留言:

凱恩 說...

諗兩諗
自己回到過去會做d乜?

其實反映左我最不滿既都係自己XDD"

TK 說...

回去過去寧願自己從未出世?