星期五, 1月 02, 2009

佳節過後雜文

跟知己吹水,友感觸:「成班準中女一個二個話無好男人,介紹d好仔俾佢地又唔識貨,唉!」

「果幾件仔又係,出到來啞晒開口又食羅絲。反而對住d唔想追既女仔佢地又無事喎,想點?」

********

查實有時我都唔知d男仔想點:

對住條件好的女仔唔敢追 (人工高,工時短,興趣多元,內外俱宜,樣靚性格好)

對住d有些少傲氣或硬淨的女仔一樣唔敢追

對住條件一般或有缺陷的,就思前想後嫌三嫌四

俾人問起就答自己要求好簡單,可以互相溝通到就得,執起上又係另一回事

見識淺(或窄),內向,唔講自己玩開果隻舊game就無話題,旅游行山全部耍手擰頭,怕新野,怕辛苦,朋友在飯局拿住個iphone 上facebook 話呢張去某band show時影的,果張相去旅行拍的,完全搭唔上嘴

因為搭唔上嘴,越來越怕呢類應酬,生活越來越悶,惡性循環

無話影射邊個,有以上問題請對號入座,黑人自己都中唔少

********

自問不是條件好,遇到條件好的單身女仔都唔敢出手。

以前會要求個女仔點點點,宜家第一個反應係,一齊左,我可以俾d乜俾佢?

答案通常係:無喎師兄...

為免耽誤對方的時間,無謂搞局啦。

條件不好,有些是不能改的,有些可以改。這幾年,集中處理可以改的部份,改完就算依然無女友,至少已是個better man。

之不過,眼見和聽聞的男女種種實在太煩:劣種男女跟優生男女錯配常有,供求失衡更不絕於耳,聽完只好嘆息。

太煩了,都係專心畫公仔算q數,一月底又有comic world,點死!

20 則留言:

cheryl 說...

做咩咁多POST又灰爆咗?

你都話溝通到就得啦,但呢個係一個好微妙嘅CHEMISTRY。我唔係真人示範,都嗡唔出呢D嘢。係你嘅,冇得避。冇咩錯唔錯配嘅...

不過要遇上一個咁嘅人係好難。遇上仲要愛上,難上加難。

咁個SAMPLE SIZE大D,PROBABILITY都會高D。所以大時大節,都係唔好自己BANG埋喺屋企,做電車男。

P.S. TEXTSEX真是一絕,你應該搵個PARTNER試吓。果晚未係SEX住啦,咁多人。普通情慾短訊咋嘛...我大拿拿都飲咗2個TEQUILA SHOT喎,當然戇狗狗咁啦唔係邊得個faraway look啫阿哥 :P

Betty 說...

>>集中處理可以改的部份,改完就算依然無女友,至少已是個better man

请问改左乜? 可否详细讲下?

SZE 說...

以前會要求個女仔點點點,宜家第一個反應係,一齊左,我可以俾d乜俾佢?

有些男人會話,我唔想浪費妳d青春呀,你應該去搵一個對你更好既人架...
究竟係真心想個女仔幸福,還是想快快甩身好來好去所以先咁講

對於這些"可以俾d乜俾佢"既問題,女人好似不會太明白,因為女人甚少諗呢個問題,或者係我甚少諗.
所以我理解不到那些"為你好所以要離開你"的道理,我只係會覺得對方想快快了結這些事情...

但有時候有些人又會好奇怪,好像真係"為你好所以要離開你",但又好似唔捨得咁變得拖拖拉拉喎!

一句講晒我唔明白男人囉!

以上純粹討論而已.

sze

黑人 說...

> cheryl

我話好多男仔把口話要求簡單要求溝通到就得,實戰時原來又有其他隱藏條件

錯配:好多條件好的女仔無人要,好多條件好的男仔又無人要,好多人想搵個正經伴,結果去老蘭搵左件playboy playgirl 返來,放心喎我唔係嘆自己身世,係聽得多見得多,覺得灰灰地。

又:text sex 唔係咩新奇刺激野啦下話...我係毒男,唔係柱男喎師姐。

> 小瓶子
未知,寫緊patch,寫完就會有prompt 叫你download架喇。

> sze

可能兩種元素同時存在,一方面真係想個女仔好,另一方面都想好來好去,因為個女仔需要的,自己俾唔到佢。

說...

唔係丫,你有得網聚,又有得識女仔,單身咪幾好~

第時一有得拍拖你就冇得回頭架啦~

:P

就咁,如果一個人過得仲開心,真係冇咩需要拍拖...拖著件衰既,比一個人自由自在仲辛苦~

得閒咪同女仔出吓街囉~ 嘩,羡慕死我呀~

塞米一條揚陸轟炸機 說...

最近我都忍左唔出手,就係因為無乜可以俾佢,所以我都無謂搵黎搞喇...

寶妮 說...
此留言已被作者移除。
寶妮 說...
此留言已被作者移除。
寶妮 說...

好驚...你的感想同我的感想...好...似...囉...雖然我冇"我可以比d乜比佢"的問題...

"劣種男女跟優生男女錯配常有"...好中...
但又唔灰得晒, 至少我都見過唔少優生絕配...

撞唔撞得到一個0岩的, 真係...好講彩數...

ah-yun 說...

其實﹐唔係可唔可以俾D乜野對方﹐係大家想唔想一起過活呀。俾自己對方咪得囉。


(OK﹐我呢期甜蜜中﹐由得我啦。:P)

(但對方真的有說過呢句﹐覺得冇乜野俾到我。但我覺得感覺對了﹐就是對了。)

塞米一條揚陸轟炸機 說...

yun :

咪即係,自己無得將成個自己俾左佢囉~XD

Betty 說...

有时候有种想将对方吞下肚里的感觉.

匿名 說...

乜啲男人咁婆媽架。

匿名 說...

鍾意人,但又未至於愛到不顧一切,仍有種"瞻前顧後"的感覺,覺得自己可能俾唔到咩俾人,咁係咪半桶水的感情?

我同意以上所說,只有"感覺對唔對...",感覺對,男方和女方都想同對方一齊,所謂"夾"。

女仔其實唔要求男方照顧...起碼在我來說,我養得起自己有餘.. 老土個句,所謂男仔要有經濟能力才可成家立室,可能只係一個"傳統枷鎖"、男人衝唔破的心理關口。女仔要求的、想要的,可能比你想像少。

你只係事業剛起步吧..我覺得你寫的、思考的,比好多人都深入,將來你會有前途的。Keep up the efforts : )

selina

桃紅三點式 說...

妖!成篇文原本我no comment,之但係你話條件好,係包括工時短,即時將我打左佢條件唔好果個category,好火滾呀!

ah-yun 說...

塞米:
咩事呢﹖唔明囉。。。。。。

黑人 說...

> 米搞

你夠好啦,有米B女日日陪你玩,得閒可以帶下佢出街,我就算有條件生都無條件養呀。

隔離碗飯梗係正的。

> 塞米

在我地盤抄我?收版權費喎。

> 讀食

我識既人,十居其九性別同行為係倒轉既。

> selina

事業狀態是剛起步,實質已不是剛起步了,真丟架。謝謝你的祝福!

我所講的「付出」,除左物質上的照顧,亦包括一齊相處。我收工後唔係畫公仔就係練跑,放鬆時想打機睇書,有時覺得陪個女仔食飯睇戲爆房浪費人生,但係又無理由逼人地跟我果套過日子。

> 三點

師姐你職業病發作喎!條件除左「好」同「唔好」,仲有一樣野叫「普通」,鬼叫你份工d時間唔係人咁品咩,叫你老闆檢討下啦!

塞米一條揚陸轟炸機 說...

黑人 :

>隔離碗飯梗係正的。

好明顯,米搞哥哥係妒忌緊你日日有女約啦~XDDDDD

>在我地盤抄我?收版權費喎。

我都係"搵食o者~~~犯~~~法呀!?"

好啦好啦我認我有抄考,但係對於呢亭相同的案情我地純粹巧合到暈咁囉XDDDDD

匿名 說...

我想問 工時短 但響剛果 算唔算條件好呀? :P

對住d有些少傲氣或硬淨的女仔一樣唔敢追--- 睇黎我有排單身 灰~~~

匿名 說...

男人/仔唔需要諗可以比咩佢地認為多才多藝又有條件既女仔,因為佢本身已經有足夠能力自給自足,我一畢業已經打算自己供層樓比自己,如果有男人在身邊就比佢住埋!