星期五, 11月 20, 2009

甚麼是怨氣 (續)

下列舉各項,未必全部屬實,也不跟時序,更加不一定理性

- 唐英年「係,吹咩?」的鏡頭
- 蔡瀾為民請命,建大排檔,提出踏實可行構思,被缺乏承擔的庸官砌詞推卻,變成停車場
- TVB能夠隨意將不合心水的短片封殺
- 政府同期推出很可疑的所謂保護版權刑事法
- 學生被學校強姦得不似人形,然後考評報告指現在的考生太不似人形了,是學生的錯
- 香港人花血汗錢迎娶迪士尼,然後迪士尼「變心」,在上海開分店
- 樓市泡沫高得出奇,大多數香港人幾生積蓄都未必買到,官指無泡沫
- 「無泡沫」事件後,有屬於第二代香港人指新生代香港人太嬌生
- 領匯狂加租,CEO大收bonus,商場小戶無法經營
- 推出全城禁煙,全城學生驗毒,又笨又野蠻

摻混上述的蒙糊印象,就是怨氣。

人之常情是:別人對你做錯事有責任改過,至少也得道歉,中文叫公義/公道,英語是justice/just。

庸官亂花市民血汗錢建迪士尼,並沒有ctrl+z(undo),項目負責人也不會站出來向大家道歉,即使道歉也沒有甚麼實在的事情可以做。

所以,怨氣往往無法化解。

試幻想自己搭地鐵,無故慘受耳光,一記接一記,卻看不清是誰動手,無人道歉。想還手,也不知如何是好,只能氣鼓鼓站在原地。

此時假如有人幸災樂禍,或者想佔便宜順便刮你一記,怒火就會全部發洩在此人身上,又因為怒火源頭未除,又會繼續累積。

怨氣不能「化解」(化解,就是蓋迪士尼的庸才站出來道歉,並且refund加利息),但可以疏導。疏導怨氣最直接而不道德的方式,是黃賭毒,其次是康樂文娛,藝高人膽大者,遙手一指:「這裡有金,大家快掘!」

(想起來,董建華試過好幾次乜港勿港,還是咪搞)

挨鬧的當奴上任自今,拼命化妝放煙幕,轉移視線,成績有目共睹,是戰之罪,還是非戰之罪?可能要等三五七年,一眾化妝師解甲歸田,著書立說才可揭盅。

12 則留言:

Bittermelon 說...

蔡瀾為民請命呢單嘢,你我都覺得政府唔啱,我以為好多人同我地既想法一樣,豈料原來有好多人反對...Orz

去呢到睇睇,你就會好似我咁好激氣!

http://www.uwants.com/viewthread.php?tid=9031800

篤篤篤撐 說...

蔡瀾為民請命呢單嘢, 我又唔覺蔡瀾既idea work, 基本上, 一個idea/policy得唔得, 要經過嚴格論證,尤其是用公帑, 特別要小心, xx港/迪士尼/8萬五都係前車可鑒。

關於bow tie, 我[比較傾向同情佢, 根本就唔話得事, 除左阿爺之外, 仲有一大班可以令佢腳痛既地產商/鄉紳/左派/中聯辦...佢仲可以點 ?(當然, 樣衰呢下野就冇得同情)

而佢班spin doctor, 仲慘, 任你天生好武功, 遇上一個自以為是而又唔話得事既老細, 仲死 !

Hana 說...

無論係唐生定王、李、吴陳...乜生都好,上咗場一樣都係曾生,拆線公仔想佢斷曬線總生生猛猛?

講真就算俾李X明做凸首堅持民主、普選...阿爺唔使做多野,剩係收緊自游行,到時...冇錢冇工有飯食...大鍋過冇民主多多聲,到時...

蔡瀾單野可圈可點...(聲明:我係佢忠實fans)

浪子m: 說...

"講真就算俾李X明做凸首堅持民主......."

你點可以否定未發生事的可能性

浪子m: 說...

"無論係唐生定王、李、吴陳...乜生都好,上咗場一樣都係曾生,拆線公仔想佢斷曬線總生生猛猛?"

咁永遠都唔駛談公義, 人權, 法治。發生乜事都用呢句"無論係......生生猛猛解釋咪得。

呢個世界唔係用一句兩句"車, 民主派做特首咁又點...可能重衰.." 點解唔可能更好呢

Hana 說...

>你點可以否定未發生事的可能性

搞清楚好喎!我冇否定亦冇肯定,對於未發生的事永遠都係做下假設咁遮...

>挨鬧的當奴上任自今,拼命化妝放煙幕,轉移視線,成績有目共睹,是戰之罪,還是非戰之罪?

講緊嘅係曾凸首哩個個人遮,我話李X明都係個人吖!

正常來講每個人都應該有思想同言論的自由,
我以自己的經驗/體會假設下都唔得?

咪下下拆去乜派乜黨乜主義去啦!小市民如我邊有咁大想頭吖!女人都係想安居樂業嘅遮,你話我俗都係咁講啦!

Wander Cat 說...

揸緊中指就人人可以做凸手!!

香港高地價政策封殺地產於金融業以外的行業也是事實(如果我有數漏請幫忙補充)

Hana 說...

>關於bow tie, 我[比較傾向同情佢, 根本就唔話得事, 除左阿爺之外, 仲有一大班可以令佢腳痛既地產商/鄉紳/左派/中聯辦...佢仲可以點 ?(當然, 樣衰呢下野就冇得同情)

>>無論係唐生定王、李、吴陳...乜生都好,上咗場一樣都係曾生,拆線公仔想佢斷曬線總生生猛猛?

講真就算俾李X明做凸首堅持民主、普選...阿爺唔使做多野,剩係收緊自游行,到時...冇錢冇工有飯食...大鍋過冇民主多多聲,到時...

我段野咁樣睇會易明啲,簡單啲講就係阿爺唔變凸首變成邊個都冇用。(原來我諗野真係唔入流,解画再解画都唔知啲人明唔明。是但。)

Hana 說...

Wander Cat ,今晚啱啱聽完個講座,原來香港本土就業有87%是服務性行業,其中包括金融業。

黑人 說...

菜欄個意見work 唔work,並不是重點

重點係,一大群傾向相信政府思維=僵化的市民知道消息,會套入上述偏見,覺得政府為求自保,拒有心人千里之外

再加上呢個人係菜欄,佢寫的文章多人睇,流傳就更廣,印象更深

一個proposal是否可行,可以另文再議。但係政府處理此事的手法就極之難睇。我頗相信英國人可以極體面地婉拒,而對方會覺得氣順易下台

uwants上面,應該有不少是中學生及大學生,但求醒目為拗而拗矣

至於菜欄呢單野,我又覺得
scale咁細,不妨幾年約放牛吃草
看看成效如何

uwants入面有些人認為,政府收平租,商戶就應該相對收得平,我又覺得兩者無關係,大前提係你個場做得旺,甚至開始有遊客專程去,放多d俾你玩雜耍又如何,以前英國佬雖然主張自由市場,間中都有社會主義的政策

政府收得你稅,自然應該諗辦法持久搞旺個大環境,而唔係只爭朝夕,搞停車場為求賺短線錢,呢d留返俾民間商家做啦

> hana

阿爺制水乜都死架啦,只不過民主派係香港最後一群合法抗爭的代言人了

當佢地都無位企時,香港就會變得好難管,一班後生仔,上網無得睇咸片,無得用翻版,人工低,生活貴,溝唔到女買唔到樓,再蠢都會諗作反 (唔作反你仲驚,代表呢個城市既新一代連生存意志都無了)

Hana 說...

你估係一班從來都係冇的人做反破壞力大啲吖,定係一班從有到冇的人做反破壞力大啲呢?

有果班係上有老下有少一個養起幾個喎!

好多人為自己可以得過且過乜都唔做,但係一影響到父母仔女就命都可以唔要。而且你要明白可以一個養幾個的人辟去運氣因素點都係叻過果啲上網無得睇咸片,無得用翻版,人工低,生活貴,溝唔到女買唔到樓的後生仔嘅。
因為要有效地抗爭都要講謀略講機智!

五十萬人上街果年係八萬五推出、負資產大增、大眾感到民不聊生果年。

介於工作性質(包括義工)上、中、下層的人我都有機會接触到,你講嘅哩班對社會极之不滿的後生仔其實係真實社會各階層中占嘅係小數。當然人皆有貪念,攞綜緩的人都想越多錢越好啦!

要講造反香港哩班人先得幾多個遮?大陸果啲大學生大部分一畢業就失業,以深圳為例好彩搵到份工都係得1600左右,冇父母的公屋可住400蚊租個床位(150呎住6個人),食飯加車錢所剩無幾。讀大學令屋企欠落一屁股債(至少幾萬蚊),但每年先得果1、2仟蚊寄返去。搭車要撿平一個幾毫的無空調巴...

而且依加大陸有好多工,人工都係跟業績嘅,支出梗咗、冇儲蓄,但人工唔穩定果種傍徨法係攞固定人工的人難以想像的。如果阿爺會驚人造反的話點都驚咗大陸人先啦!又如果真係要/敢造反嘅,我買大陸同胞會先囉!

唔係話唔要民主,凡係抗爭想爭取最後的勝利就一定要審時度勢,當中時機、手段、技巧、謀略一樣都唔少得。最睇唔慣果種由對事演變成對人的行為,更加睇唔起客意去誤導熱血青年的行為。

(我有個學生的阿媽40歲年初同意咗銀行六成賠償方案都一早攞返投資雷曼果嗰錢啦!啲人唔接受6成嘅咪等下囉!咁都要誤導市民話凸首弟婦有特權?榕樹頭下的阿伯咪係咁鬧曾特首囉!)

至於泛民,你睇下五區總辭哩出大龍鳳,民主派幾咁肉酸呢,香港地有邊個係真正無私、從一而忠為民主為公義的?嗯,暫時我只諗到長毛,可惜近得黃生多...

黑人 說...

>hana

我反而覺得,上有高堂下有妻房果d先至唔敢搏,非到完全無法搵食的地步才發矛,50萬遊街果次,你唔會見到有人掟汽油彈的,大家都係諗住行下嗌下

我講緊果班年輕人,佢地未必係想推翻政府咁偉大,只不過無所事事,向社會發洩下,例如擲鏹水,或者炸網頁,你逼佢地多d,佢地手段就再激d

我又覺得,古時陳勝吳廣,近代孫中山、哲古華拉果d,開首起事的時候,都無話點樣策劃,心口一個勇字就去馬

反而係激情過後,勢成騎虎先至有認真的策劃,一開始認真策劃的話,通常會認為個odds玩唔過,然後放棄

所以革命不是由一班精英發起,係由一班nothing to lose的傻瓜,敢膽死draw first blood 推出來

當然要成功,就要睇中後期有無精英協助