星期一, 11月 30, 2009

回米搞re CitySuper

可能俾米搞窒得多,我寫呢兩篇的時候,潛意識已經諗緊點樣避重就輕同埋反駁。關於城市超級郵購小冊子第二回的評語,可以拆成兩個層面睇。

第一個層面,是基本技術上改進。例如將貨品安上編號,方便顧客跟跟貨品名字配對,將訂購表格的填字位擴闊、加強框線粗幼對比等,只要買些日本過期雜誌照抄,不難做。母須藝術眼光,只是遷就客戶閱讀的貼心安排。

大堆頭世界光product shot,花費極其有限,額外將每件產品單獨拍攝,另費加三兩千銀便可,對於整盤生意來講,小數目矣。我見過有廠家自己set 兩塊白板/黑板,加支普通燈,一部半專業級DC,set支家用級腳架,隨便找個伙記做,照樣應付有餘。

總之在第一個層面的事情,只要planning改善一下,不須額外花費都能解決。

第二個層面才是米搞兄所講的taste問題。即是將一本純粹催銷的小冊子,加插生活雜誌部份。
這是全新的東西,跟耕田一樣,不求短期回報,乏先例可循,並有完全失收的風險。5年前的黑人,必定破口大罵港商短視無品味etc,打滾久了,荷爾蒙分泌少了,早已不強求。

第二層牽涉的問題比較複雜。為何要加插「生活雜誌」元素呢?就是想培育新的顧客/市場。
之前跟AK在email拗的問題,就是市場能否被創造/教育出來呢?AK兄的意見是市場只能被「發掘」(discover),並不能憑空創出來。

小弟並不同意,有些觀念往往是後天培育出來,然而觀念成形時間太長,不易自覺。讀陳冠中的「下一個十年」,有個非常明顯的例子:在ICAC出現之前,香港人普遍認為貪污正常不過,甚至有理論支持貪污有助經濟發展,假如當年辯論ICAC有無「市場」,答案必然是否定的。ICAC成立之初,香港人根本不知其有何用,亦不敢挺身舉報,是以80年代才有大量廉正公署電視廣告,直至現在大家視ICAC為理所當然,已是後話。(所以,我相信高地價終有一日會結束,either人為或自然發生)

市場需求也許不能單憑主觀願望,強行educate出來。然而,商家肯定有扮演educator角色,告訴消費者甚麼是好品味,中產階級應該如何生活之類,將商家描述成完全passively 回應市場的角色,我又覺得不太反映現實。

我相信bad taste自由行只是一時現象,不會持久。Santa Book這類生活文化消費誌在台灣頗受歡迎,遲早會在內地廣為風行,也許Santa book那種風格未必是citysuper的定位。無論如何,假如內地風行後香港才跟尾,已是太遲。

11 則留言:

小瓶子 說...

>>>有些觀念往往是後天培育出來

正如嗰D 美白, 丰胸, 童颜巨乳, 你米理瘦死你极速减肥丸, 话之你穷到訓天桥底种之要有 LV/Gucci/Prada 傍身一样....香港人已经被洗脑.

匿名 說...

我本身就鐘意大堆頭product shot 多過分開獨立影 有種打開個雪柜 滿滿都係食物那種幸福感

City Super係food store 作為顧客 我係以食物品質同價格為購買指標 唔係小冊子的設計

如果品質同價格都合意 真係會有人因為 ‘小冊子的設計不是最理想’ 而唔買?

又如果品質同價格都不合意 唔通又有人會因為 ‘小冊子的設計100分’ 而買? 好On9喎

我而家手上都有一本CS X’mas catalogue我睇得好開心丫 聖誕購物意慾高漲 可能因為我唔係你果行 而只係一個普通shopper 所以我唔覺得本catalogue有你講到咁百孔千瘡 咁多野值得投訴

某位普通shopper

黑人 說...

> 小瓶

Madmen果陣的american dream都是洗腦的
每家要有(至少)一架車,一間市郊屋,雪櫃同一部電視

當年d人覺得理所當然添,大概每個年代都有些洗腦的主流價值觀吧

> 某shopper

你自己都有講:大堆頭有幸福感,你睇得好開心
換言之無大堆頭,對你來講就無左種幸福感,你就看得無咁開心了

所以你已經答左自己的問題:小冊子設計不好,的確會影響消費意欲

現在本catalogue並不user friendly,這是很客觀的事,一般人很難從大堆頭中尋找貨品名,其餘問題前文已述,不贅。

設計和廣告就係咁on9,同一隻洗衣粉,blindfold test,放入藍色盒,d用家話潔力唔夠強,放入紅色盒又話強得濟。雖然,每位家庭主婦都認為自己買洗衣粉係根據潔淨力而不是睇包裝。

匿名 說...

‘換言之無大堆頭,對你來講就無左種幸福感,你就看得無咁開心了

所以你已經答左自己的問題:小冊子設計不好,的確會影響消費意欲’

我冇答左自己的問題 看得無咁開心 只係代表 ‘看得無咁開心’ 唔係代表 ‘唔買’ 起碼for我唔係 Once again 我係以食物品質 價格 什至包裝為購買指標 唔係小冊子的設計

某位普通shopper

黑人 說...

> 某shopper

Once again, 你已回應了自己的arguement: 小冊子,就是包裝的一部份

很多人未見實貨之前,就是先靠小冊子接觸到貨品,city super的對象,本身就不會非常在意價錢,會用錢去買品質、買時間、買方便

品質很主觀,不多講了。但省時間和方便讀者,明顯小冊子就做得很差。多數pissed off的客人不會鬧本小冊子design差,甚至佢地不會為意做得差,只係揭兩揭睇唔明就放低,attention已經衰左,跟住唔會有interest, desire以及付錢的action

或者「某shopper」你是citysuper的死忠fans,我替佢地多謝你的支持

匿名 說...

如果以我幾句留言就斷言我係citysuper的死忠fans 以blog主咁piss off出两篇post來鬧本小冊子design差 你一定係citysuper的死敵了

我留言唔係話要十卜CS 或反對blog主提出的改善 只係想以一個普通shopper身份 表達我真係唔覺得本catalogue有你講到咁百孔千瘡 咁多野值得投訴

希望blog主唔好介意

某位普通shopper

小瓶子 說...

其实我觉得香港的 shopping style 系以看实物为主. 就算公司搞嗰 Christmas Party, 一班同事一起决定买 CitySuper 的东西返来聚餐, 通常都会一班人去执货.

而如果真系水喉充足, 系老细放低张 cheque 叫秘书搞, 秘书通常都话之你乜taste 物 taste, 种之系CitySuper 就有 taste, 跟住求其买嗰 budget 之内既 package 返来.

至于 catalogue 既设计.......基本上未必有人知道有 catalogue 呢架野.

黑人 說...

> 某shopper

假如以一個普通shopper身份,我根本拿起本野兩眼就會放返低,因為唔知係乜黎。遑論寫呢三篇post

亦母須叫我不用介意,我一定會介意
因為守我這關都不介意個設計,仲有邊個會介意呢?

正如一個壽司師傅,佢把刀是否乾淨,d魚是否新鮮,d水是否清純,其實好多香港食客唔mind亦食唔出,佢可以用市場為自己開脫

現實條件下,亦可能要作出好多妥協,但係底線就係我地仲會介意件事做得好唔好,否則不如不做

米都話唔搞咯 說...

黑:

另文回(等我boost吓我個朴啲流量先...)

xiao zhu 說...

由你第一篇開始,連埋米搞果邊,(佢仲未講完)一路睇左咁多日,本來都有啲回應,不過真係好懶。暫時只想提出一樣嘢,因為我唔係點幫襯呢啲咁高級嘅店,所以好揹咁問一句,究竟呢本catalogue係用咩形式派發?淨係擺係店內任人攞?郵寄俾啲客戶?佢哋嘅majority target係邊啲人呀?

黑人 說...

> 小豬

擺在門口一角任取
我估有一部份select customers 會收到郵寄掛?

majority target...佢地最貴個3萬元package,似係公司送禮多,其餘1千元左右的就係私人用