what money cant buy

按此連結進入
GENZOMAN

我成日覺得，無受過專業插畫訓練既人如我，係永遠畫唔出呢類作品。

而我自己雖然極想擁有呢個水平，但係無呢個時間，亦未必有天份。

有朋友經常講，佢犧牲左xyz abcd 咁多野，日練夜練，先至練到一身畫功。你只要同樣日練夜練也可以。

記得風雲漫畫中，剛踏入黃金歲月的無名，跟花屆花甲的劍聖把酒談心，劍聖為練絕世武技，放棄一切人生樂趣。無名嘆曰「師兄你錯過左好多野喎。」

武林中人話不投機半句多，互搏一招，原來無名比劍聖強不知幾多倍，並練成最頂峰的「天劍」。

「下！你咁勁都唔話我知？」

「sorry，唔想hurt到你。飲酒啦。」

(忍喊)「好，我劍聖平生不飲，今日賀你一杯！」

本來十分無腦的肌肉打鬥港漫，正是因為呢類情節，增添不少深度。有時放棄一切搏命苦練，到頭來都不如對方30天輕輕鬆鬆練好神功，頓時不知如何是好。

劍聖就是「少時苦練功，老來一場空」的代表。搏命練，練到了，又如何呢？

日日苦練，都不代表甚麼。記得乜乜巨聲有位參賽者衰左，喊咁口話「我日日練架喇...唔好fail我啦...」

事實上，日日練錯，結果也是錯。無天份，無師傅，就算有移山的愚公，也成不了事。

古時候的風雲漫畫，間有這類神來之筆，可能後來馬sir發左達，越來越是是但但了。